6月29日 腰背痛?! 新玩具啦!

腰背痛?!

唔緊要  老公送俾妳!!!

子最近日日都叫腳痛, 腰痛又背痛!!! 晚黑都有幫佢按幾下... 可以始終唔係辦法喎.... 既然係咁... 捉左老婆出去試.... 試左oto and osim... 最終買左呢隻Osim uMama Warm啦...細細個但又幾舒服喎, 要搵用"dup"幾下... 佢都幫到手ga.....平時放o係窗台, 用時可以坐窗台or sofa.... 可以按腰and背... 一邊睇電視or玩ipad, 一邊用住佢都幾好... 希望子鍾意用啦... hahaha... 不過我用仲多喎... hahaha....

6月25日 友緣相聚

好開心! 終於可以見到妳啦...仲要係o係香港... YanYan! 同妳傾計真係好開心, 可以搵到一個同自己咁暢所欲言既好友... 感覺真係好滿足呢... !!!  

人與人既緣份就係咁特別... 原來我地既過去係咁接近而又相似... ^^ 

大家今日都返左大坑附近開餐, 當然都叫埋子一齊出黎開心開心啦....

連續兩日傾左咁多計.... 真好輕鬆哂...!!! 多謝妳 ^^

6月23日 Meeting with J.S. Park (Manchester United)

收到風曼聯既朴智星會黎香港, 只要買曼聯2010-2011 season review既DVD就可以同佢見面and得到佢既autograph... 真係超抵....!!! 而今次都係我咁大個人以黎第一次參加簽名會ja... 正常情況下我係唔會參加ga, 不過又咁岩我今日請左假去中環做Regular Health Checking, 而下午2pm佢就會到中環HMV喎... 時間咁岩, 又冇理由唔去ga.....

之前好想佢簽o係相之後可以表起佢, 點知d securities超緊張, 只可以簽dvd..... 唉.... 見到一面 and 得一個簽名...!!! 握唔到手又合照唔到... 有d失望呢... 300人左右, 洗唔洗咁大陣象呀...?! 不過星仔真人超nice呀...!!! 不過佢地既security guard really means呢... 簡直係推人走呀.... 真可惡... 不過總算拎到佢既簽名啦...!!!

 

不過原來都好多人捧場ga... 好彩咁岩又有朋友仔陪我去呢... ^^

 

就係呢隻DVD啦... !!!

 

今日有日假.... 返到中環當然見返好多老友仔啦.... 飯前先返左總行, 之後又約左另一銀行既老兄弟阿doug一齊食lunch, 而簽名會之後仲有時間入埋珀麗灣探我同行老友Jenny既新居, 之後仲一齊去左深井食晚飯呢... 今日真係好開心呀...!!!

6月16日 Mini Clubman Hampton Launch Party

今日放工之後到利園對面既Mini Spot參加佢地既新車款Mini Clubman Hampton既launch party........ 不過今日真係好熱同好大雨呀...!!! 攪到都幾狼狽!

嘩... 今日真係大雨到暈呀....!!! 講真mini既marketing都真係幾唔錯ga, 次次有新野玩都整到個場好靚, 不過今次既車款都冇咩特別, 因為都係d特別版only!

記得呢部車既第一代都好似係07/08年款, 今次都係舊酒新瓶...

當然... 有酒, 有music既地方...都好值得去玩玩啦... 不過大家都開左車, 所以都冇咩點飲, 一杯起, 兩杯止啦... ^^

開完party之後大班朋友就一齊去左食dinner... 11:30pm就走lu... 明早仲要開工呢...>.<

5月28日 歐聯夢碎

期待足整整一年... 今年曼聯又再一次打進歐聯決賽... 不過對手就係被譽為"地上最強"既巴塞隆拿..... 身為"英國最強" 對 "地上最強"呢個戲碼, 認真值得睇.... 兩年前的決賽在擁有c朗及泰維斯等既曼聯對巴塞都要輸.... 唔知今年打整體既曼聯會點呢...?!! 今早去完海洋公園就即時返屋企短睡charge電... 因為球賽0245開始, 而朋友仔就0200開始上黎呢.... hehehe... of coz要準備好野食去招呼一班波友啦... 今晚真係多謝nick既parma ham!!! 真係開心啦................

我同我大佬.... 最近幾場波佢都好捧曼聯場呢.... ^^

子就唔上鏡啦... 哈哈... 其實我同佢都係wake up look.... 而下面既一對情侶大家都知佢捧邊個啦....... 小豆呀.... 靠你啦..........

上半場跟兩年前一樣, 曼聯頭十多分鐘都ok ga... 不過之後真係俾地上最強禁住黎打.... 廿分鐘曼聯終於失守.... 全屋即時靜哂, 不過到33分鐘... 曼聯又追返球..... 半場前守和總算ok啦.... 期待下半場曼聯有機啦........

下半場曼聯再失兩球.... 最終輸1:3..... 唉.... 曼聯再一次失落歐聯冠軍... 不過敗在巴塞腳下, 實在無話可說... 佢地真係超強.... 強如皇馬都被佢地玩到購體無完膚, 曼聯很勤力, 連 JS Park都跑到嘔泡.... 都冇野可以再講... 只可以講.... 曼聯既前後線都係ok... 不過中場... 唔夠creative又唔夠緊迫... 就死哂...... 係咁"行"住.... 頂唔到幾耐... 久守必失....唉..... 怪只怪巴塞真係人人都咁勁... 冇計... 希望費sir快d買人啦.......

今晚係van der sar最後一場... 很不捨得......  希望下年曼聯可以再打決賽啦... 不過今年咁既人腳都打到決賽... 都有交代啦.....

5月28日 海洋公園Party

兩公婆有好多年都冇試過日光白白到海洋公園玩啦...  晚黑既"哈佬喂"除外啦... ^^ 今日公司包左個場下午至晚黑.... 又好!!! 去熱下先... ^^

今次去海洋公園真係好唔同呀... 入面咩都變哂.... 門口又改左地方, 又有室內泊車, 都真係好值得入去玩, 不過真係太多"自由行&帽仔團", 攪到成個公園都好冇秩序, 真係.... 唉... 打尖同迫人係佢地既問題......  因為今日其實都幾熱ga..... 所以令人都幾討厭佢地既行為!!! 由於公司包場係3pm-10:30pm, 所以早入去都仲見到佢多人, 不過有樣野都幾攪笑ga.... 公司出名多惡人, 今日排隊果陣時都有d同事真係指住佢地"打尖人"黎鬧ga....... anyway.... 出去玩... 開心下啦....

今日仲邀請左我地既花女一齊出黎玩呢....

多謝老友仔一家賞面出席......今晚仲玩左好多機動遊戲呢.... 陪子都玩左海盜船and過山車...等大家都可以狂叫下....

最終今日我地由3pm玩到9pm就出返去香港仔食dinner啦... 食飽之後就即刻返去sleep, 因為今晚仲有期待左一年既歐聯決賽!!! 好開心呀... 今日星期六播, 一班老友2am就上黎呢....

5月25日 7小福 Reunion!

今晚又要凌晨時份起身要睇一場"賽事"  其實呢場球賽唔係正式比賽, 反而係曼聯忠臣加利仔既告別賽....  效力曼聯廿年... 佢真係陪住我地成長! 再見加利仔/佬!

曼聯為左佢仲安排左當年佢既batchmates and teammates一齊聚首打場告別賽... 而最重要既係7小福可以再返黎曼聯....... 睇下佢地當年既相... 就知幾咁耐啦...1992vs2011 左起既 Giggs, Butt, Beckham, Gary Neville, Phillp Neville and Scholes....

從來都冇想過佢地可以再一賽o係奧脫福踢波... 今日真係好高興!!!

而最感觸既係見到David Beckham.... 佢終於可以返屋企啦... 仲要係再著一次曼聯既球衣......  我完全感受到佢既滿足感.....

曼聯既7號球衣..... 今時今日都咁襯佢... 而o係我心目中... 曼聯7號只有Beckham!

緣聚緣散...再緣聚緣散... 其實... 我不太喜歡這個感覺... 今晚看著佢地再離開, 又再一次鬧愁緒.............. >.<

5月23日 曼聯破紀錄19次封皇Home Party

We are the 2010-2011 Premier League Champion!!!!!!!!!  The 19th Champions!!!!!!  破紀錄性封皇!!! 正式破了利物浦多年既紀錄... 真高興!!! 說真的, 我其實對利記冇惡意, 因為由細個開始家中都係睇利記先, 不過近年卻有利記既fans多次o係我fb中洗版, 所以先還下擊啦.... 不過今日之後都nevermind啦... ^^ 為慶祝今日呢個大日子.... 就o係屋企攪左個慶祝party.... 

食食食... 飲飲飲...!!!

正呀!!!

今年終於正式到了曼聯朝聖, 又有老婆相伴, 總算o係2010-2011年既一屈有個特別回憶啦... 而今晚又係聯賽既最後一晚... 一定要約班老友記一齊慶祝下!

哈哈... 大家幾認真 大家仲成日做記者, 即時影相仲upload到facebook呢! 好不熱鬧呢....hohohohoho....!!!

今晚仲係VAN DER SAR最後一場old trafford既賽事...  真係好唔捨得佢!!!

先講今年既曼聯..... 以今年既人腳.... 真係超標完成!!!

講曼聯... 今年一開球季我都冇咩信心... 其實自c ronaldo and tevez離開之後, 曼聯根本係依靠班二線兵黎支撐球隊...中場冇星, 只單靠兩個近三十尾既老將擔綱... .真係好擔心, 好彩既係.... 佢地都有表演... 不過過到今年, 明年又點呢...?! 球隊老板唔放水買人, 都唔知可以點啦.... 不過今年新兵都對板.... 小豆, smalling兩個.... 第有所值..... 直情係一個新發現.......!!!

前線 - Rooney & 小豆對板!!! 貝碧係今屈信射手, 不過唔穩定, 一係唔入, 一入入幾球.... 而且已經30, 唔知可以留幾耐, 不過我好鍾意睇佢... owen就........

中場 - nani是好是壞難擔大旗, valencia就夠快, 但唔夠creative, JS Park最討好... 勤力又機動性強.... anderson好... 不過都唔知佢打進攻定防守中場, carrick and fletcher... 唉... 工兵一名... 攻唔利, 守唔穩.... giggs最好啦... 越老越打得好... 反而我最愛既scholes... 就......有點失望... 希望佢唔好retired啦....

後場 - evra, vidic, rafael, fabio, smalling and 里奧.... 夠強!!! 不過evans and brown都係要走啦..... 而里奧都開始老又常傷.... 右閘加利仔都retired... 希望rafael and fabio快d成熟, 唔好再咁衝動啦...... 加多個後衛就夠....

龍門 - Van Der Sar退役... 希望新門將快加入啦..... 講左成兩年啦......

overall - 前線加一個, 中場加個夠creative既進攻中場就夠啦....  希望快d有新人啦!!!

最後成績表....今年可以lead9分封皇, 都冇野講啦... 5年4個champions哈哈! 傳統big four已經冇ga la... 我相信下年會更緊張....!!! 因為隊隊既實力都好接近....!!!

哈... 已經期待下年開波啦...!!!

5月19日 My Pad!

多謝子!!! 我今日終於收到我份生日禮物啦....

都要唔該哂老友hugo安排, 本來想要wifi 16gb version, 不過最終都係要左wifi 32gb version.... 正... 之後出elements買埋個smart cover襯返屋企呢... ^^

多謝子...

5月5日 車車補品

等左n咁多個月... 件補品終於有得裝啦  本來book左返到香港既第二日, 即五月四日去裝, 不過最終又要改期, 不過點都好啦... 今日總算整好啦!

改少左個尾鼓, 感覺上輕身了....  (左邊係原廠, 右邊係新既)

英國訂返黎既blueflame...... ^^

用後感... 以我部車仔黎講, 個喉嘴好似大左少少, 不過就just fit, 其實岩岩好.... 如果整埋rear diffuser會好樣d....  而performance方面, 部車終於有返聲, 排氣及吸氣聲都大了, 個feel好左, 不過起步果下好似要踏深左至夠力, 即起步感覺慢了, 不過80-130km以上肯去左.... 希望改埋intake會好d, 不過車仔cc細.... 攪唔攪之後先再算啦...

overall... 75%啦... ^^