8月25日 中了3~~T?!

今晚屋企真係high爆!!! 睇到咁多電話.....  咩事?

話說今年依舊睇曼聯啦! 我買左26 Kagawa, 老婆印左自己 no.2, 老友jerry買左20雲佩斯! 點知今晚真係.... 勁呀!!! 聯齊賽第二場, 連後衛no.2 既rafael都入到波! 第一球係v20, 第二球係k26, 第三球係r2 (不過off side食炸糊), 正當勁high再勁down之際... r2又入!!! 成間屋既人都high到爆!!! hahaha.... 中哂! yeah!!!

 

8月24日 15年後第一聚!

今晚出席左期待成一個月既華仁仔5K班大聚集! 其實唔係一個月, 正確黎講係15年! 
舊同學既聚會間唔中都有出席, 不過只係自己班既就少之又少! 今晚一聚, 感觸良多! 而今晚仲有兩位老師出席, 當大家成為了朋友, 話題真的更free又更多!



一班同學, 大部份都冇咩變, 而大家今時今日更做遍唔同行業! 感覺真係特別, 一轉向多野講既我, 面對住一班高手, 我都真係算靜了! 哈哈....
今晚個場, 就係我地其中一位同學開ga! 

成晚男仔, 又點會食完就算啦! 之後當然又暢飲一番啦!

8月19日 英超開鑼！

英超開鑼啦！ 為左心愛既球隊， 當然要入貨支持啦！本來想印Giggs, 因為點都想有一件佢既球衣， 不過今年新簽入既球星～香川真司Kagawa實在太吸引啦！ 所以最終都選擇印佢！ 不過最厲害既當然係費SIR今夏既最大收購 No.2 Nat Nat啦！



不枉我多年既引導及用埋法國TRIP既引誘。。。哈哈！ 子！ 妳要多D陪我睇波呀！  Forever Manchester United!



繼前年後， 今年又有情侶裝啦！

8月4日 Apple One to One Training

由香港apple買了部mac book pro之後, 順手報了個一年既course, 一係唔睇, 一睇竟然得返50多日, 見星期六之後會陪仁屋企人飲茶, 好! 12pm上返個one to one training先! 今日學basic野, 之後要學執相and整片, 點都要學識點fully utilize部機先!

今早到左IFC泊好車之後就先到LGB買杯 Ice Soya Latte, settle down之後專心咁上一個鐘堂! 正!

7月23日 10號風球

半夜時分! 睇完 <宮>之後掛了10號! 真係估唔到對上一次係1996年成十幾年前! 真係估唔到咁勁! 不過明天都應該要返工, 只係全日定半日呢? 




下午放工開車接子收工, 不過都已經被困路上, 因為有樹倒下了....... 所以之後買左d食物就返屋企煮飯唔出去lu!

7月12-15日 我們十週年之旅 (Part 2)

終於有時間UPDATE PART 2既十週年之旅啦！ 繼續啦！


Jul 14

噚晚玩得咁開心， 今朝早本來打算浸室外溫泉， 不過最終都冇啦！ 想留多一些時間， 去多些地方！ 本來子打算去9分， 不過睇完旅遊書， 見到十分既鐵路相， 仲有天燈放！ 如果十週年去十分仲可以好似那些年咁放下天燈， 應該都會幾浪漫！ 好！ 影多幾張相就CHECK OUT，離開北投！

7月12-15日 我們十週年之旅 (Part 1)

十年了! 與NatNat不知不覺就十年了! 今次又係一個ad hoc既假期, 所以特別珍惜! 由當初冇拎假, 到突然拎到兩日假, 到由本來打算去沖繩, 到改去台灣, 到本來打算去溫泉hea, 到可以到十分, 到兩公婆仲可以一齊好似那些年咁放天燈慶祝十週年紀念! 今次真係超額完成! 十年對於很多人來講唔係好長, 不過當我現在仲係三字頭, 而已經有十年都有nat係身邊, 感覺真的很特別, 更要感恩...人生不知道有幾多個十年, 希望可以一直慶祝更多既十年! 不知十年後我地又會點慶祝呢?

7月7日 兩日一夜青島特約澳門爆食十三餐勁食之旅

兩日一夜青島特約澳門爆食十三餐順利完成！飲食兵團勁呀！好開心嘅勁食之旅^^
點解青島？！ 因為去到邊都飲LOR！ 餐餐都飲！ 原來啤酒重平過水！真過分！ 

7月4日 Lovely Breakfast （Pekkle Macaroon x Espresso)

Thanks 子！今天既早餐！ Pekkle Macaroon x Espresso...




子噚晚自己包左一堂， 要整佢好朋友PEKKLE MACAROON！老婆真係越來越厲害！ NAT叻！

7月3日 小交通意外

真黑仔！又跌錢！ 噚晚成晚SLEEP唔好，而一早又要趕到TIME SQUARE做PRESENTATION， 一如以往駕駛到紅隧附近，扭左軚入線，成個車身入左去，點知左尾kiss左人地右車頭，其實有得理論，我入左大半線，佢都唔收，不過由於今日唔可以遲，所以賠了錢，匆匆了事算了，一間又報警又和解，浪費時間仲大件事。so sad....當時一心為免攪大件事，即時科水，連和解書都冇簽就開車走了，上到車入隧道，心想...e~點計都好似係佢車頭kiss我車尾，雖然我係cut線，不過車身都已入哂！冷靜時已經覺得自己傻左，不過都太遲了，都冇計啦！果個時間都冇得理論。。。唉！