5月11日 行山遊及我的第一次？！

天朗氣清！ 做咩好？！ 行山lor....之前老婆工作超繁忙， 大家都係時候同大自然做朋友啦！ 前幾日個天都仲日日下大雨， 今日竟然陽光普照， 仲要叫得曬曬地， 對於開始跑返步既我， 都有點辛苦呢！

N年冇行過山，老婆又有幾個好朋友一齊行！ 就晨早9：30am趕入東涌， 今日行奧運徑 ！ 由東涌行入去徑既入口都要3﹣4km, 而條徑大約7km左右啦！

由於星期六一向都係family day, 所以一直認為今日唔開車行完之後直接由梅窩搭船出中環應該趕得切返銅鑼灣飲茶！ 11﹣12km 1.5hrs應該可以完成！點知山路崎嶇， 又大隊前行！ 哈哈！ 最終都要成1:30pm至出到碼頭！ 不過行呢段徑我都覺得可以推介！始終到東涌比較方便， 回程有船到中環！ 比起去新界更方便出入！ 一路行呀行！ 其實都幾開心！ 不過下天就真係要think think la...... 不過今日行到半到都真係受傷了 


再次多謝哂咁多位老友記既問候， 話說今日行完山開始落山之際，一邊落斜， 又一邊叫老婆小心及教佢落斜， 點知膝蓋突然有點痛， 由於要趕船返香港， 太陽又曬， 都要頂住行啦， 平時跑步有時都會痛， 不過跑跑下會冇事， 不過今日越行越痛， 頂到出香港， 行唔到， 之後打的到CWB FAMILY GATHERING，因為都遲到啦， 所以都幾趕！ 不過最慘既係真係行唔到！ 食飽飽之後以為抖夠， 點知一行， 腳痛到冇力又行唔到， 死頂行去睇跌打， 點知關左門， 之後誤打誤撞， 搵到呢間求救！今次真係人生～～～第一次睇跌打！ 

整左成日， 好多了， 藥都除了！ 希望休息兩日會好返啦！ 今日要多謝老婆扶足我全程， 再要多謝兄弟Jerry收到我CALL後幫我搵跌打， 最後仲要多謝曾家兩公婆送我返屋企（哈哈～晚黑去左食生蠔）！ 哈哈！Sweet Sweet!

4月29日 Apple TV

_{好耐冇買新玩具啦！今次入手既係Apple TV ！} 前排被老友曾生毒了， 哈哈！ 用左一晚， 好滿意， 好多MOVIE睇， 租又方便， 買又方便， blue ray quality! 但又平過買隻blue ray! 又OK喎！ 在家常用IPAD AND MACBOOK， 依家坐O係 SOFA可以控制好多野， 電視聽歌YOUTUBE咩都得！ 正！ 

4月28日 IRON M&W ^^

最近全城Ironman! 兩公婆兩日前都去左cyberport睇左場3D Ironman 3啦！ 一個字！正呀！ 其實o係睇Ironman3之前， 我地仲一次過返睇左第一﹠第二集！ 個人覺得一二集好睇D， 而另外有套外傳Avengers都好好睇！ 第三集反而有D over左啦！又用remote, 又幾廿隻一齊好似有D冇左"鐵甲“呢個特點，反而變左機械人大戰!不過套戲都係唔可以唔睇既！



睇完套戲之後突然間想買隻Ironman返屋企擺！ 於是星期日就走左入某間玩具店逛逛！ 最終都冇買， 返而影左張低B相........... 嘩～～～哈哈哈！

4月25日 Mini Paceman Launch Party

Mini 又有新車發佈！ 今次係繼Countryman之後既一部雙門Sports Activity Coupe ~ Mini Paceman

4月21日 Audi Exclusive Test Drive Experience

今日出席了Audi安排既Exclusive車系既experience day, 當中有A6, A7, A8L大部份都係executive grading既車款 ！真係好有進入魔鬼山既感覺！

4月19日 一張照片

前排生日有一張同老婆影既合照覺得好得意， 又好鍾意， 之後有日睇返一張舊相又好有感覺，兩張相都有點似！ 哈！ 砌張合照compare下先！




11年前後  原來時間過得真係好快， 好快！

4月17日 我的第一個10km

最近開始注意身體！ 由一月尾開始， 就要求自己要做多些運動！身體健康， 對自己， 對家人都係一個責任！ 幸好我身邊有一班好朋友， 其實自上年年底有感人開始老， 身體又越差！ 再加上其實自己開車咁多年後， 真的懶了， 有時連行去停車場都覺得遠！ 行多兩步都唔夠氣， 真係唔掂！ 所以依家都盡量Keep住每星期跑兩晚步! 雖然有時都會跑下行下！ 不過都睇到個進步既！ 之前2﹣3km, ，到之後4﹣5km, 6﹣8km, 到4月12日一個勁好天既晚上， 終於由醫生朋友陪同下完成左第一個10km! 真意想不到！完成了， 成身汗， 冇哂氣， 不過勁有滿足感！

3月25日 李太廚房之LE CREUSET

Well... 作為李生！ 繼衣櫃， 鞋櫃， 等乜櫃物櫃都開始讓左俾李太之後， 最近廚櫃都被李太既新玩具大軍進駐了（Just Kidding, 李太廚房永遠都係佢既主場）！ 哈哈！ 這些橙紅色兵團就係李太這個月內新既玩具



為支持太太既創作空間， 決定O係自家BLOG開放一個新既分類＜李太廚房＞及release個privicy等多D朋友仔可以SHARE佢地既心得！

3月11日 Happy Birthday!

求婚前週年快樂 ﹠ 311 Happy Birthday!

兩公婆今日休息， 一齊去左赤柱拍拖！其實4年前既今日， 我地就係O係赤柱海傍求婚啦！睇開我個BLOG都應該知道， 時間真係過得好快！


下午我地都去左好多地方！ 總之要好好ENJOY啦！晚黑老婆arrange左到Sheraton既雲海dinner

正當準備渡過生日既一刻， 子再黎一個HANDMADE BIRTHDAY CAKE SURPRISE！ Thanks a lot!!! 為左唔俾我知， 佢今朝仲唔用焗爐整， 怕焗蛋糕既味大會穿煲喎～ 哈哈！ 多謝子！

其實我既BIRTHDAY MONTH都開始左啦！ 不過都唔詳述啦！ 只係想多謝每一個愛我既人！ 我愛你地！ 祝你地人人都開心幸福， 身體健康！

3月10日 Run! 跑吧！

我不是高手， 更不是跑手！ 

長年只顧工作，玩﹠食 ～再加上少休息少運動， 直到上年尾終於感到身體越來越差， 都係時候要為自己健康努力一下了！

其實由1月尾開始都KEEP住一星期跑一兩晚， 由第一次圍住朋友屋苑跑只跑到半個圈就冇氣， 到上星期竟然可以又跑又行跑到8KM左右，不過平時都係4﹣5KM左右， 都真感到身體既耐力好似進步了！ 其實今次突然跑步都想多謝幾個人既支持！ 子， BM哥AND Joseph兄！ 子佢好SUPPORT我跑步， 仲幫我增添左好多GEARS俾我呢！哈哈！ 而BM哥就係知我身體差， 第一個捉左我去跑步既老友， 沒有佢支持， 我應該唔會跑！ 而Joseph， 就係我RUNNING BUDDY， 最近好多時間都一齊慢跑， 互相SUPPORT！ Thanks alot!