12月18日 The Grand Cinema @ Elements

今日第一日返大角嘴HSBC Training Centre 上training呀... 真係好辛苦呀... non-stop咁上左8個hours... 真係好多野study呢.... 不過investment都係我鍾意既野, 所以都好呀... 唔洗錢又有得學野...  真係好!

今日放5:30pm, 之後先去左奧海城準備左一部份子既生日野... ^^ 之後就上左佢屋企rest rest啦... 因為我地今夜會約左kenny 兩公婆and edmund兩公婆一齊去睇戲... 所以kenny都有先黎接我過Elements呢... ^.^

我地今晚會去Elements既The Grand Cinema睇7:10pm既魔間傳奇.... 第一次去呢度睇戲都幾滿意呢... 坐位舒適, 音響, 畫面, 好似又有free parking.. 所以真係唔錯.... 其實我睇戲都幾要求多多ga.... ^^...  第一就係以上既條件啦... 之後就係要有parking... 因為感覺好似抵d呀ma... 又可以drive下車....  第三, 就係要靜... 我好怕一面睇戲, d人另一面講野呀... 踢人前面張椅咁... 好annoying ga.... 以前會去旺角呀... cwb呀... 睇movie, 不過真係太多人啦... 次次都睇得唔係好愉快.... 所以我好多時都會去數碼港/奧海城/IFC睇戲... 因為這些戲院相對比較少人, 而且觀眾都比較斯文d.....相信grand cinema會係我另外一個新選擇...

我地今晚睇既戲係will smith做主角, 對上一次係睇the pursuit of happyness...今次感覺真係好唔同... 其實呢套戲係mimi推介既, 不過本身對d類似residence evil呀.. bio hazxxxx果d已經冇咩特別感覺...因為太多啦... 不過今次睇完之後... 同edmund兄都覺得... 呢套都ok... 因為講多左d人情... instead of only咬黎咬去呢... ^^

睇完都9:30pm, 之後o係果度食埋dinner... 就坐左kenny車返子屋企,  而我之後自己搭的士返屋企lu....

今日咁樣都好開心呢... 3pairs人咁heehehehahah.. 又食又玩.... 真係好relax... 又開始plan下, 下個trip點攪先....

12月14日 NatNat B Day Party

籌備左都有一段時間啦...  而今日就係子既birthday party啦... 今晚約哂一班好朋友一齊去Mi Mi車房燒野食 and 後加港島night ride呢... ^^ 哈哈... 先預祝妳生日快樂, 希望你身體健康&日日都咁開心啦... ^^

由於我星期四and五都day off, 所以噚日既下午其實我都已經開始買BBQ既野la...今次就真係要多謝Mimi既幫手, 好多野都有佢既幫手and安排呢...  感激萬分 冇佢今晚既party都未必攪得掂~~~

由於我之前訂左既床and Mattress都係今日送黎, 所以要下午先有時間prepare... 一整好哂屋企d野之後就搵左mimi一齊出去鴨利洲買海鮮呢...!!! 買呀買... 買呀買... d野其實都幾重ga... , 買完之後先拎哂d野返去車房, 之後就返屋企整理一下其他野...因為買完野都5點幾lu....

今晚既party就8pm開始lor... 之後個個朋友都陸陸續續咁黎... 首先真係要多謝你地既出席, 之後再要多謝你地既禮物.... 你睇下子佢幾開心... (其實仲有好多禮物ga, 不過真係影唔哂, 唔好意思呢....)

當然仲有一班好好既姊妹啦....!!! catherine今晚同子好似呀(你知我話啦)...!!! 我仲捉錯左catherine以為佢係子呢...

我地今晚一面吹水, 又一面食食食, 所以都食左好多野... especially the seafood呢...!!! 今次個個都變肥仔肥女!!!

我地之後仲係車房切birthday cake呢... 呢part真係要thanks Amy幫我去arrange左子最鍾意食既COVA Mango Cream Dome... 謝謝你呢...amy..要你走左轉 !!! 仲有kenny and sorlo既大會攝影!!!

 我地今晚真係non stop咁食... 仲要有埋jackie兄送黎既紅酒... 真係perfect... 兄弟... 又要謝謝你!!! 我地食到成差唔多1am, 之後仲有人投訴我地太noise.... 連警察叔叔都黎埋呢...  所以我地成班都好好, 即時執哂d野... 之後去night ride....

我地先去左山頂.... 之後幫benny兄practice斜路開車.... 今次真係掂喎!!! 好快又上左手, 不過記住呀.... 要大大大油呀....!!! 我地係山頂又玩到2am左右, 之後又去左紅山半島... 仲同edwin兄"爆"左陣...  兩, 三個灣後連佢尾燈都見唔到.... 車手真係車手^.^ 去到都成2:30am啦... 所以stay左一陣都散lu....

之後送左傻佬返屋企, 跟住就同子返屋企lu.... 希望佢今日都玩得開心啦...

最後.... 再一次感謝每一位出席既朋友..... 今晚真係好開心呢...

特別嗚謝: Mimi and Edwin佢地提供場地&edwin成晚都不停手咁整海鮮^^ 真係好好味)

今日仲有歌舞表演呢... 你地睇下啦... http://www.elfyourself.com/?id=1347077313

12月9日 W's Entrecote

今日都冇咩做過... 因為子今日又要考試, 不過nevermind啦... 過埋今日佢就上哂所有sessions啦...

下午都係留左o係屋企... 冇咩做過... 直到dinner就約左edmund and andrew地一齊去左causeway bay既W's Entrecote Steak House食法國菜.... 見今日子又考完試, 所以我都想同佢好好食返餐... yeah!!!  我地book左8pm檯.... hehehe... 今晚我地7個(計埋adrian)叫左6個set menu A and 2份海鮮Glacé Fresh Seafood Platter... dessert仲另叫左Hot Souffles .... 正呢... 至於set menu A有咩...??? 哈哈... 睇下la...

Foie Gras Poêlé
Pan-fried Goose Liver with Prune & Port Wine Sauce

Bisque de Homard
Lobster Bisque flavoured with Cognac

Entrecôte
Grilled Ribeye Steak

Soufflés Chauds au Choix (Grand Marnier, Chocolat à la Menthe, Citron, Gingembre)
Hot Souffles (Grand Marnier, Chocolate with Peppermint, Lemon, Ginger)

Café ou Thé
Coffee or Tea

edmund真係冇介紹錯, 果度既ribeye真係好唔錯... 係其他地方未必食得到... 而我最鍾意既就係佢個Gooseliver and seafood platter... 哈哈...我仲食左好多fresh oyster ^^ 不過個souffles就好似甜左d... >.<

整多個網址俾大家睇下先, 有興趣都可以去食下: http://wsentrecote.com 因為真係唔錯, 我估下次同子兩個都可以再黎食下....

今日下午果時有d得意野想share多一d呢... 就係對面既neighbour幫佢既仔仔攪左個birthday party呢... 仲係屋企門口整左個吹氣彈床... 影左張相都幾得意呢... ^^

12月8日 Adrian B day Party & Night Ride

又到星期六啦... ^^ 今朝一早起身就交左部車俾mimi地幫我跟... oil leaking and 換水箱水...交比佢地我都好放心呢... 所以之後如常咁去左同屋企人飲茶...

下午3pm就約左sorlo, kennyw and amy地一齊去adrian 2歲既birthday party... 而今日既地點係Craigengower Cricket Club, 所以都幾近我同sorlo呢...方便方便!!! 不過我都係第一次入去ja... ^.^ o係度再祝adrian生日快樂, 身體健康... 再要多謝catherine地既邀請... 不過由於子要返學呀, 所以都係得我自己單支去呢... >.< Party 由3pm到5:30pm, 都幾熱鬧ga... adrian今日幾型仔ga... 有法拉利既跑車衫出場... , 而佢今日又勁多女伴喎.... ^.^ 哈哈... 睇見佢都玩得好開心呢...

7pm左右我就同左kenny, amy地去左搵mimi, 今日總算搵到leaking既原因, 希望進快可以整好部車車啦... 今次真係唔該哂edwin地... 而佢地仲幫我換左水箱水... 之後好似真係好左喎....部車車冇再次次著把風扇喎... 睇黎支水真係改善到個冷卻情況呢... 你地估下隻手又係邊個既...? (其實我都唔知)....

 拎左車之後就去左接子.... 跟住又出返銅鑼灣峰sushi....  食左好多野呢... 勁full呢... 今日下午party仲同左stephen 同benny講話攪night ride, 所以食飯時都send左sms出去.... 話22:30大球場等... 哈哈... 去到果時... 都有10車20幾人ga....^.^ 真係估唔到咁多人, 我起初以為得5-7車.... 我就黎變ad hoc function coordinator... haha...

我先送左子, 之後再去左鯉景灣join返佢地... 之後又入大浪灣.... 今晚果轉真係不得了呢... 哈哈... 我仲試左benny部56.... and 之後又同kenny部56試左一轉... 兩部車果然唔同.... 各有好處.... 我覺得53比較raw 一d d, 而56就比較comfort... 力量就應該係56勁d, 不過就冇53咁direct咁傳到去手上.... ^.^ 不過都好開心... 56既s and non s 我都drive過la... 哈哈... 今晚仲有一樣攪笑野... 就係有個唔知邊度黎既女仔... 話我部車係黑色and好型喎... 哈哈... 又幾有眼光喎, 不過小姐.. 我部車係indi blue黎ga bor...

之後大約2am左右就散lu.... hahaha.... edwin部車... 真係好似穿梭機.....上到東廊真係好快.. 又好嚮..

12月7日 乖仔--飛仔

哈哈... 攪左兩日... 今日總算整左少少野la.... o係度都要多謝一班好有俾我既意見呢...hehehe.. 部車車到手依家都有半年左右, 都係時候要慢慢攪攪佢...  依家部車比我既感覺係... well, 冇左果隻cute cute感覺, 反而有d惡左飛仔左... 當然我會用型呢形容佢la... 哈哈... 你地覺得點...???

不過我其實都冇攪過d咩要改佢既performance, 因為我覺得cooper s本身既setting以經好夠city drive la... 所以我比較想玩樣多少少... 其實之前好想將個車頂轉色, 由黑轉銀... 因為易d拉花and比較斯文, 不過經過一班朋友仔既意見之後, 好似都係換腳既colour會好d.... 用黑色好似會型d, 不過我又覺得好似飛仔左少少... btw, 搵左好耐... 最後搵左 O.Z. Racing既ultraleggera (matt black), 價錢好, 手工重量又唔錯... 所以噚日放工後就去左換la... 訂左一個星期貨... 圍起$2100一隻... 比起bbs果d又真係抵d喎... 噚晚整完之後仲即刻同子入左去kenny and amy屋企...俾佢地睇下個效果同埋睇下整左JWC Kit既佢.... 依定係咪好型仔... 哈哈... 真係好型ga... chilli red既jcw 56... !!!

之後今日去左Edwin度check車, 因為車低好似有d油.... o係呢度又要唔該哂mimi and edwin.... 佢地真係好細心咁幫我check我部baby..... , 不過要聽日再睇先可以confirm邊度有leaking...   跟住見有d時間, 我又去左幫部車車拉花呢.. 想整好耐, 唔知你地覺得有好定冇好呢...?

之後7pm左右先去左奧海城接子, 之後join埋kennyw, amy and edmund地行ELEMENT, 行左一陣我地幾個就搵埋edwin and mimi地一齊去kowloon city食泰國野lor.... 又係咁.. hehehehahaah咁又一晚, 不過我地仲未玩夠, 我地一行幾車先去左kowloon city碼頭玩車吹水, 之後又去左長廊集合吹水lor.... sorlo之後都有黎埋呢... 好不熱鬧... 直到1am左右我地又去左深水步食糖水... 咁又過左一日, 不過又幾開心喎....

12月2日 影相班 and BBQ

今日join左車會既影相班..... 哈哈...... 由於老豆去旅行拎左部相機, well.... 所以我只係帶左陪我共進退左五年幾既P-2去影ja~~~ 哈哈!!! 所以其實都係冇咩點影相, 反而係同班朋友仔聚下多d啦...

下午1點幾我地就約哂係kowloon bay等.... wa..... 今日好多靚車呀.... benny既新車同stephen既新options and拉花.... 簡直令我眼前一亮呀... !!! 好型呢... 兩點左右就廿部車一齊入去位於西貢濠涌村既... 成豐片場.... 學影相.... 哈哈... 我真係未去過果度呢... 又係咁影呀影... 又影到7點幾.... 而我大佬4點都黎左join我地....

晚黑我地就留左o係果度bbq, 唉... 今晚成晚都係自己燒俾自己食... 因為子要返學呢... 不過好彩有成班朋友仔o係哂度... 所以hehee hahaha 又一班都幾開心ga.... 係果度既氣溫都幾冷呢.....

燒呀燒... 不如燒隻豬啦...

食到11:30pm左右, 幫埋adam慶祝完生日, 之後就返屋企lu..... 返去果程真係.....hehehe... sorlo, stephen, andrew... 都好快呢...

睇黎都都要破財啦... 本來想今個月儲下錢... 唉... 都係要整靚d部車車先得.... ^^

12月1日 即慶族之再次出動

由於之前打左篇blog, 個system竟然死左, 咩都冇咩, 唯有打返精要就算啦....

噚晚又因即慶... 放工搵左andrew, catherine, sorlo and子一齊打邊爐... 哈哈... 本來仲話去mimi度bbq呢....

今日都冇咩特別, 下午同grandma飲完茶行左一陣之後就想返屋企, 點知大球場有function, 差d返唔到去.... 攪到我要行到去大球場至搵到taxi返屋企, 不過返到屋企都係自己sleeping.... 悶到傻左...

7:30pm左右就去接子放學.... 之後順手買左幾件秋衫, 因為真係唔知d衫去左邊, 因為屋企人去左旅行.... 老豆and阿媽就好啦, 可以去埃及玩... 我都想去呀...  行完之後就打埋俾sorlo...睇下佢一唔一齊食...hehee.. 點知佢要之後先join, 所以食完野我同子都先返左屋企, sorlo之後都上埋黎... 哈哈... 我地三個.. 真係.. 又黎即慶.... 即時call左kennyw and amy一齊唱k again, 不過佢地要late少少至可以到... 哈哈... 見仲有時間, 我地又返左sorlo打wii....

11:15pm左右就去左cwb既ceo開房...點知要等... 而子就返屋企lu, 因為佢明日都要返學, 而要等到12:30am至有房, 真過份... book左房ga ma.... >.< 不過都ok既... at least有d時間俾我同sorlo傾下計...  share一下工作呀... 玩呀... plan呀.. 咁... quite relaxing ^.^ 之後anliza都黎join.... 而kennyw and amy就1am左右就到... 本來今晚係清唱日ga, 不過見anliza有d mood... 哈哈... 就陪佢飲左一set... 點知個衰妹.... 咁快"死"左既... 點知到5am都未醒... 冇計啦, 又真係冇可能見佢自己咁走, 所以都返屋企拎車再送佢返屋企... 今晚kenny and amy真係唔話得... 佢地都好幫手照顧我呢位好朋友... 如果我一個... 真係攪唔掂...  所以全程kenny地都有跟我車尾幫手... kennyw仲笑我, 真係未見過你drive得咁定and慢... 哈哈... 我想ga.....????好彩我仲記得elaine住邊ja, 如果唔係真係送唔到anliza去... ^^ 總算可以放心返屋企rest la... 不過返到去都成6am啦.. 好彩果程elaine都有陪我傾電話, 如果唔係又fall asleep la.... ^.^

妳呀!!! 下次唔好飲到咁啦...  如果要再飲就call我or elaine la

11月25日 煮飯仔

今朝真係起唔到身... 噚晚為左用中國打哂所有國家...(哈哈, 我打Age of empires 3 既亞洲王朝), 竟然又打到5am..... 今朝真係出事....  不過都算啦, 去完旅行之後我都未sleep夠... 今日就算好d啦... 所以都成11am先起身....

見早起身, 所以之後都去左搵子and佢屋企人一齊飲茶, 吹下水... 跟住再去深水步睇電腦and trade埋部舊mobile... woowoo.. 都trade到$1400 , 不過用左5個月就冇左一半錢.... 手機真係唔值錢..... 打算去睇下有冇laptop賣, 點知都冇咩野睇.... 依家仲係心大心細換laptop定desktop好.... 唔想用大機咁多線, 但係只有大機先有d勁既performance.... 真係要想想.... 行左一陣3pm左右就打俾kennyw地睇下佢地會去邊, 原來佢地去緊會展既canon expo... 又好喎.... 返去香港果面睇睇先....hehehe 先約哂佢地去會展食tea, 點知紅隧已經撞到adam and sorlo... 咁就一齊去啦.... 之後benny, kennyw, edmund, michal, michelle..... 等等都一齊黎哂....  食完野就去睇lu... 不過今日覺得部電話好似有少少問題, 有件part好似鬆鬆地咁, 我唔係好鍾意用d野... 唔夠firm, 所以我同子就先走左去cwb 1010換機... 點知佢地又冇貨, 所以又要去one2free攪.... 都整左幾耐, 要kennyw and amy地等真係唔好意思, hehehee... 因為我地決定左今晚上我屋企玩煮飯仔.... 兩pair人咁玩下食下... 其實都幾warm....  有多兩pair就仲熱鬧....

7pm左右就返到我屋企lu.... 子and amy負責煮, kennyw負責GT, 我負責update手機OS update, 真係繁忙.... 估唔到大約1hr左右就有得食... 子今次都算快.... 不過我估好似係amy快手d喎.... 不過都要thanks佢地啦..., 今晚都有4菜1湯ga.... 正!!! 記得上個星期我地剛剛先返香港呢.... 之前仲日日一齊食... 依家又齊人開飯啦... 哈哈!!!

係咪睇見都想食呢...!!!

食完之後又開始攪下我屋企d機...dvd呀...amp呀... 果d... 其實我咩都唔識用....好彩kennyw勁... 之後手多多開左套Behind Enemy Line睇... test下...機.... 點知之後個個都好專心咁睇戲喎.... 11:00pm左右又散場啦... 聽日要返工呀.... 唉....

11月24日 再見了 P990i

返左香港就黎一個星期啦..... 不過今個星期真係慘.... 因為都sleep左好耐客廳呢... hhehee.... 不過呢幾日總算好d啦.... 可以搬返入房, 不過就仲未買床... 唉, 都係等埋老豆返黎再買la.....

下午就如常咁去飲茶lor...  不過今日都唔係好多人去, 因為老豆阿媽地又去左旅行...而子又要返學.... 所以都係我同大佬加grandma地一齊去....

食完飯之後就去左行街lor.... 見出左糧, 即刻又有d心癢.... 走左去買部新電話... 其實我都唔係好捨得部P990 ga, 因為我鐘意佢大大部, 個樣又ok喎.... 最慘係我用左佢都唔夠6個月....... 唉....  好唔抵, 不過佢個function就真係好一般... 成日都唔夠ram....., 一個字~~~慢!!! 所以今日都即刻出左部P1i.... 真係好唔錯呢.... 其實OS and software 都係差唔多, 不過at least load program快d, 又夠ram可以開哂d野用....希望部機冇咩問題啦.... 返到屋企就係咁... o禁~~o禁~~o禁~~ 今次又同子用情侶機....^^

晚餐就同左車會既朋友仔打邊爐, 勁食牛肉.... 哈哈... 我估我先係牛肉皇hehehe... 好飽呀... 食完之後就返屋企睇波la... 慘... 曼聯輸波....0:1 唉....

唔知聽朝起唔起到身去morning drive呢....??? 不過今晚我又要勁打機喎...heheh

 

11月14-18日 韓國之旅(Part 2)

17 Nov

第4日啦, 今朝一早食完早餐之後就出左去影相, 今朝出面結霜... 好靚不過又好冷, 子and amy都忍唔住上返車, 得我同kenny去左影相...

 

影完之後就出發去好多"水魚"店, 最後就到左大長今學整泡菜.....

之後仲影左好多攪笑相呢....

 

玩完之後就去左明洞shopping...

不過果度似香港既女人街多d... 子仲整爛左對鞋呢.... 天氣仲下雨呢... 冷上加冷... 行左一陣, 買左d化妝品呢... 不過kennyw同我就咩都冇... 只係最後食左一間好高既軟雪糕ja....

之後再行左一陣就上車去食dinner la... 今晚又係火鍋... 哈哈... 晚晚我地4個都係咁叫人refill , refill and refill... 食多人地3估.... 即時肥左.... 食完之後我地又去左華克山莊.... 換左佢地d禮品之後almost輸左60,000won, 不過好彩有子呢個啤后幫我地玩blackjack win返哂返黎, 打左個和, 拎埋禮品就走... 咁又玩左一個hour, 之後就返hotel.... 啦... 今晚間hotel最似hotel, 因為之前果d間間雖然好靚, 不過似渡假村多d....  (我個人prefer 之前果d), 今晚果間不過就最屎, 因為咩都冇... 又細... 所以今晚我地都好早rest lu....

18 Nov

最後一日la... 今日都係去買手信果d, 之後就去左仁川機場左la...3:15pm機, 之前仲去左食lunch lor....

所以都冇咩特別... 上左機... 昏迷左一陣之後就開始... "挫大弟"... 真係上癮, 之前兩day都係我win ga, 不過今最後比amy炒左我兩次... 好彩子幫我win返la... 哈哈.....6:30pm左右就返到香港, 之後我地先返kennyw屋企, 仲同左佢媽咪食dinner呢.... 都幾開心ar..... 食完之後都走啦... 因為真係好累呀....  不過有個bad news既就係我間房仲未裝修完..... 今晚要sleep in living room.... 好慘呀......!!!!

總結啦.... 今個trip係我地一次返左香港之後同香港d朋友去旅行, 其實我真係覺得好好玩ga.... 老實講呀... 韓國本身係冇咩玩...頭幾日都冇咩人見到, 睇景多... 到左首爾, 其實時間又唔係太多...不過學kenny講... 去旅行睇下同咩人去啦... 我覺得同kenny & amy兩pair人咁去就最fit... or 4pair仲好.... 不過今次個combination我覺得唔錯... 真係好好玩呢...可能我地都有d地方係相似la.... , 希望快d再有機會一齊去旅行la....

11:30pm返到屋企真係唔慣, 今晚又冇宵夜又冇玩啤牌... 最慘係... 冇房sleep呀... 唉....