12月16&17日 Happy Birth~~~子!!!

各位好友!!! 多謝哂你地既心意 & 心思呢...

子既生日又就快到啦! 其實今年都冇打算要攪party, 反而只係想同班老友記casual咁食下飯就算, 點知懶下懶下原來今個星期就到啦...!!! 由於星期六 & 日個個都要返屋企做節,  而星期四 & 五 我同子又唔得...., 所以都係得返二 & 三至可以食到dinner.... 就係咁就形成左今年既'小班慶賀飯局'la...再一次多謝幫手安排既好友...

噚晚就正好就o岩哂梁生一家and楊生楊太... 3pairs人加小B放工後就一齊去左大埔既小白鷺食晚飯!!! 今晚其實都幾冷ga, 去到小白鷺果時真係有d去旅行feel.....小b仲著到好似鐵甲人咁出黎呢.... 我都未抱過咁漲bookbook既小B...

今晚子係主角, 就當然有禮物收啦... 哈哈... 收禮物同送禮物既都咁開心ga...

仲有一盒細細地以為係車仔, 點知係部ipod nano呢ga... ^^

多謝哂大家....!!!

17 Dec 星期三

今晚就同左另一班老友記一齊去左奧海城食dinner.... sorlo and andrew仲提早收工趕過黎, 真係多謝哂!!! 記得今年年頭我生日就食左個Cova既mango dome, 而今晚我地都係mango dome!!! 其實最鍾意食果個係子呢....o岩哂呢 ^^ special special thanks to AMY!!! 要妳走黎走去... 辛苦哂!

主角當然又有禮物收啦...!!! 靚靚靚!!!

食飽飽之後就送子返屋企lu... hehehe... 又有一份....!!! iPod TOUCH (又多野玩左, 你要用多d呀...多謝哂神秘人今日下午既安排hehehe) !  

開開心心又過左兩晚!!! 多謝哂一班老友記!!!

最重要既係... 子.. .我希望妳開開心心!!!

12月14日 BMW廠之清潔日

今日係寶馬沙田廠特別安排俾我地new mini club既清潔日, 由於參加人數眾多(共30車), 所以我地分開左上下午既sessions... 我of coz join左下午啦... 咁難得有一日可以好好咁sleep一下.... ^^ 之不過都唔係sleep多好多, 因為今朝都約左子and佢朋友仔Liza一齊去Andy度剪髮.... hoohoo... 今日都係想改改個髮型呢....!!!

2:30pm我地都入去位於沙田既workshop玩玩玩lu.... 今日幾多人...

今日廠方幫我地既mini baby做左好多野... 清潔啦, 補油啦, 用幫我地整返d '凹'出黎...., 真係好開心呀.... 部車車靚仔哂...

洗好左之後.... hehehe 連BB仔都吸引到呢... !!!

門口仲有一部由Mini Clubman做既三輪車.... 部車據說係寶馬奧運既宣傳車

仲有自己d玩野照.... 點解我塊面咁白既....

玩完之後我地仲去左深井食燒鵝... 又再一次肥死呢...!!! 今晚又遇到新進"女"飛車手... 真係跟佢唔到呢... ^^

12月13日 浪費了我的星期六

星期六永遠都係我一個星期當中最enjoy既日子, 不過今日就真係俾我公司浪費哂.... 由於今日本應係day off, 所以噚晚都同左我華仁既舊同學出黎吹水飲野....就係咁又再一次玩通頂!!! 6am仲o係cwb既翠華食埋早餐至返屋企.... hahha 點知6:30am一踏入家門就撞到阿爸阿媽推行李出門口預備去旅行...即時醉左都扮清醒咁叫佢地玩得開心d, 再俾老豆話提左兩句叫唔好再咁夜之後就即時沖涼sleep...lu...好sleepy呀...

點知11pm就俾好同事nelson叫醒我提我今日下午2:00pm要去會展conference hall去聽d咩咩seminar.... 本來都冇打算去.... 點知原來入場仲要"拍"staff card做reference... 唉... o係呢個多事之秋都係應酬下好d....  再sleep多一陣之後就開車先返銀行接埋iris再一齊入去... 2:30pm到步, 本來都係打算留一陣就走(點都係day off喎), 點知放真係有入冇出, 全部出口都俾security and HR守住 and其他出入口仲要mark record... 就係咁, 我就一直坐到5:30pm.... 真無奈... 今日個seminar做咩...? 咪又係d咩Sales Reinforcement哂... 請左d trainer, businessmen咁做d sharing... 好在個MC係張達明所以都有得笑下, 如果唔係實再sleep....(btw, 我仲未開飯喎)

完左之後就即刻去左接子放學, 有人今日去左振興經濟.....!!! 見今晚冇咩野做, 就打算去elements買定戲飛今晚睇10:05pm場 "地球停轉日".... 點知去到超塞車係超塞車, 為左買飛竟然用左我個半鐘,  不過好彩子都買到仲可以arrange到多兩張俾好友一號and二號.... 我地好耐都冇一齊出去睇戲lu... 買到之後我同子就先去左大角咀食dinner, 之後見仲有時間就走左去行west kowloon果幾個屋苑既mall, 真係想感受一下如果搬左過去會係點....我地都係行左一陣之後就返屋企lu.....直到9:30pm再出門口...

今晚套戲... ok啦... 不過不失, 不過真係神化左d lor...... 12:15am我地就再去左食一蚊餃子and油渣麵做宵夜lu....

12月10日 Dream House?

最近成日都同班華仁仔出黎吹水, 從而都得知有佢地有幾個都已經成家立室, 而當中有幾個仲有自己既生意,物業等等..... 真係~~~唉!  大家都係28歲.... 點解相差咁多ga.... 我仲要做多幾多先可以achieve到我要既野呢...???

今日click左佢地既facebook, 點知睇到阿K先生間屋... 即時"嘩"左一聲.... 呢隻灰色tone既裝修係我最鍾意ga, 仲要點解間屋會係.....咁既??? 問左之後先知原來佢間屋o係將軍澳......

佢間屋真係好似我上次o係昇悅居睇果間既....? 佢既小露檯係我既最愛(仲要係有維港景)!!! 請朋友上黎飲杯酒, 望住個海傾下計, 就真係正爆, 所以上次一睇已經好有feel, 不過又未到價...想等佢再跌下就可能有chance啦, 點知未等到就已經賣了...

最近銀行又加按息, 從事金融工作又有一大隱憂.... 唉.... 依家真係唔知點, 唯有都係過了年再算啦, 幾時先可以有我自己同子既"竇"呢....?

12月8日 慳錢...

經濟唔好, 環境唔好... 開源節流就更加重要... 一直好怕到一月, 因為又要煩交稅, 雖然都唔係咩天文數字, 不過無端端要拎幾萬蚊去交都咪話唔肉痛...

之前聽同事講可以去信appeal.... 又好try try先... 等左兩個星期左右... yeah!!! 今日收到信了, 成功"講價"慳返d....哈哈哈... 不過一月都係要交ga >.<.... 近期收入差左, 呢個月唯有再努力"慳d洗"啦.... 不過又有好朋友結婚, 又christmas再加上子既birthday都一齊coming...睇黎要慳都幾難lu.... 

12月6日 蓮香樓大食會

繼噚晚又去左華仁同學既飲飲飲party之後, 今晚就去左一年一度既蓮香樓大食party又再一次舉辦啦!!! 今年跟往年一樣都係由車會既朋友仔安排一個咁好玩既party呢... heheheheh... 今次又食到變肥仔呢.... 仲記得上年係10月13日攪既(可以o係我個blog睇返上次d相ga... 之後仲有超多人既karaoke party)!!! 今年就係12月....

大啖大啖係咁食d大大件馬拉糕.... 真係好飽ga....

而於今晚有咩朋友仔....??? 自己睇下la...

食飽飽之後就去左night ride... 今晚去左stanley既聖士提反灣.... 而1am左右就走lu, 趕返屋企睇波呢...

11月30日 星期日

噚晚玩得夜左.... 今朝頭又痛..... 唉唉唉.... 之後收到消息grandma跌倒入左醫院, 即時人都醒埋....之後知道老豆and姑姐已經出發了... 所以都先留左o係屋企等news.... 後尾睇完醫生and知道有少少跌裂骨, 可以返屋企休息.... 都放心d....  其實次次都好怕收到呢d電話, 唔係話怕煩,  而係唔知咩事.... 希望grandma快d好返啦...

起身之後2pm先到香港站接子.... 之後我地一齊去左五星食個quick lunch.... 就去探grandma lu... 見grandma都精神, 係痛d....  休息多d啦.... 下次唔可以咁心急la....; 之後留左o係佢地屋企吹陣水, 次次見到佢地張按摩椅有隻"大野"阻住哂, 不禁又影左張相... 3:45pm左右就走lu... 因為今晚會搵allan地食birthday dinner, 所以都先出去行下先...

4pm去到海港城... 見到小B.... 哈哈.. 係咪有d似大佬B呢... 加埋佢個cool look... 真係掂掂掂....  哈哈... 即時想拍埋上面張相....兩個都係座住張大班椅.... 好得意呢....  而最近幾次同小B玩得特別開心.... 我發覺佢已經開始認到人la ^^ especially有eye contact果陣.... 你會知道佢認得你... 感覺好特別呢... ^^ 食左個tea之後就大家分開行lu.... 我同子要shopping冬天衫, 而梁生地要返屋企放低小B!

7:30pm就約左allanfannykennisjackienatnat&我去山林道火鍋館打邊爐.... ^^ 再一次祝你生日快樂呀... allan!!! 食飽飽之後阿nat仲話要食湯圓皇.... 真係好飽啊~~~子!!!

之後就趕返屋企睇波... 曼聯win啦... !!! 哈哈 !!!

11月29日 Party Night!!!

今朝返工真係險, set錯左alarm冇work到, 返8:45am就自己8:25am起身, damn即時換衫搵taxi返工.... 好彩又俾我趕到喎.... lucky... !!! 之後子接我放工呢, 因為佢今日終於有一日唔洗返學呢... , 所以可以一齊去搵grandma地飲茶... 下午我地都冇去玩, 都係返屋企休息下la... 因為佢今晚仲要返工做野, 9pm到2am..... 所以要養足精神lor... 而我就自己打下PC game.....晚黑我就先同佢食晚飯.....食飽飽之後就再送佢返工呢....  不過送完佢之後都係9pm.... 自己一個有咩攪好呢....?

其實今晚有阿dor既bday party, 而阿lam地又有b'day party... 不過個mood又好似唔係去partying喎... 反而好想搵個人飲杯野吹下水, 唔好太癲, 如果飲完野而子又收工, 就仲可以接埋佢呢..... 點知可以傾到計既朋友仔都有哂party... 咁nevermind啦... 一於自己去night ride.... 先o係kowloon bay遊左陣, 之後又收到maria既call, 又好喎.... 一齊出去遊下, 吹下水都好... 先返左香港pick up左佢, 之後去左cyberport and深灣.... 哈哈, 點知原來佢地今晚都會去LKF, 而阿Lam地又係LKF.... 即慶病又有少少發作.... 不過都係冇咩mood去clubbing..... 12am先送走左maria到LKF, 之後我就返左屋企泊車..... 打俾子, 佢又未知幾時走得, 所以佢都叫我出去搵朋友仔玩.... 哈哈... 最終都走左出去....

12:30am就落左到LKF既Beijing, 先搵返阿Lam佢地一班華仁既舊同學...., 有d仲真係好耐冇見呢... 計起上黎我都有兩年冇出去clubbing呢... 今晚見呢班friends, 都係當年華仁最靚仔而又最玩得果班呢.... 如果有10個靚仔o係果度, 我相信我都係排最尾果個, 最型既當然係阿彬啦.... ^^ 由中學開始都覺得佢好掂呢...!!! 而今晚圍內friends都有30幾人...個個都靚仔靚女, 而大部份都同埋女朋友/老婆出黎.... , 所以都幾熱鬧呢....好彩已經book哂檯, 所以都可以坐低玩下傾下計...唔洗迫... 當然我都有出去搵下maria and cherry地飲下酒熱鬧下啦... 一面同子都有contact, 直至佢返到屋企我先再放盡咁飲, 所以都幾開心呢... 又好似以前咁, 一個星期出去會一次班朋友仔...落到d場又見到我多old friends ^^ 所以玩到3:30am, 阿Lam同我又轉場返士去Cwb既登龍街, 打算上去阿dor既birthday party, 點知剛剛去到就見到佢走lu....其實果刻我地幾個都已經超wing....所以傾左兩句我地都閃lu.... 而之後再去左食宵夜.... 跟住就返屋企lu...... 連沖住涼都想sleep..... 不過好開心呢...

11月28日 一日休息

今日無奈地被編了day off.... 唉... 唯有星期六返工la....  所以噚晚都好好咁sleep左一覺.... 最近天氣都係冷冷的, 躲藏o係暖暖既被窩.... 永遠都係最舒服的...

起身以後就做左陣孝順仔, 先陪左dad and mum去左飲茶... 之後又傾下計咁.... 食完之後我就先返屋企la... 因為今日係allan兄既生日, 所以約左jackie and佢一齊去Tst睇mini既road show.... 正當等緊4pm既gathering... 老豆仲幫我買左我最鍾意玩既FootBall Manager 2009, 相信又有一排玩啦... ^^

4:15pm去到現場睇車車.... 啊啊啊!!! Allan兄, o係度再一次祝你生日快樂, 希望你今年事事順景啦... ^^ 其實今日既車展都好多野睇ga, 不過要試既, 要睇既, 其實之前都睇哂lu... 今日就算係湊下熱鬧la.... , 之後仲去左睇聖鬥士既展覽, 而睇完之後我地3隻公既就去左飲coffee.... 吹下d男人野lor...  ^^ 今晚壽星仔要拍拖.... 所以我同梁生都好識做既...  6:30pm我同jackie就去左接Nat收工, 之後再返香港接埋Kennis..... 今晚都想搵個特別既地方dinner, 因為大家都好想搵個靜靜地既地方吹下水.... 希望可以release一下大家工作既pressure, 不平事及最近咁"yim"悶既市況....aiii.... 左想右想...最終決定去香港仔既珍寶海鮮坊..... 我都有好耐好耐冇去過la... 今晚都係第一次同子去ja... 不過我地今晚係去左最高層既Top Deck食, 正如梁生講, 果度其實同山頂峰景餐廳一樣, 只不過地方唔同.....

今晚仲比個waiter點左我叫一杯唔知咩既熱wine, 好似叫mull wine... 飲左兩啖... damn... %$^#^$ 頂唔順, 好似廿四味..... waste左都冇法啦..... 即時要再叫另一杯野飲....; 就係咁又一晚lu....  大家心情又好返d呢... 食到9:15pm左右就走lu.... 因為大家都很累呢

返到深灣遊艇會car park時, 仲俾我地見到部靚車車呢.... 型呀! 

11月23日 杏花村

上兩個星期就已經約好左梁氐家族一齊今日再攪個睇樓團, 所以今日一起身就出左去飲茶... 我地先去左太古城既潮江春開餐, 之後3pm就開始呢...!!! 今日又見到小B呢 , 休息左一晚之後佢又笑嘻嘻咁同我地開餐呢... 次次見到佢都好開心呢!!!

今日下午既目標就係我o係港島區最愛既屋苑 - 杏花村 ^^ 基本上我o係港島既dream house係咩? heheheh貝沙灣and港島既堅尼地道就係我既最愛, 可惜呢d地方既屋根本唔係我地呢d平民白姓可以afford到呢, 發下夢比自己做個目標啦... 

對於杏花村就一直都有個情意結, 貪o個道既location真係好正... 既清靜又自成一角, 由多人既地區, 誇過一座山仔就到比較靜既地段, 做住宅就真係一流.... 你話佢係咪好唔方便??? 又唔係喎... 兩個站又到太古成, 開車到grandma屋企及自己屋企又唔洗過海.... 所以對於prefer住港島既我就真係Fit哂...

之前兩, 三年呢區既樓起碼都叫住HKD 4-6M, 仲要係細單位同冇景, 依半年就落返到 3M都有... 有d仲見到2字尾... 所以... 又好!!! 今日又睇下點先....  都幾有expectation ga!!! 以前都會過黎呢區, 不過都差唔多10年前lu... 當時都覺得ok, 環境設施都好ok... , 而今日開車到時都ok喎, d wall都白雪雪... 原來上年都返新過呢.... 滿意!!! 到參觀第一間次就開始出事lu....入到第一間既盤時, 一打開窗, woo.... 真係同隔離好近呢, 仲要冇景呢, 而其他既大堂, life, 到門窗等等等等都真係好舊呢..... 同上次睇4小龍真係好唔同.... 不過單論個"積"及個單位間隔.... 佢就真係好實用, 好大同好見洗....見見房都夠大.... 這方面, 舊式既apartment比較優勝!!! 之後再睇多幾間.... 個個盤都係 1-3樓, 最高既都係7樓....  冇景, 低層再加埋.... 價錢一d都唔平.... 呢個質素間間都差唔多HKD 3.2-5M/4.7M, 雖然係香港樓, 不過呢個價我可以搵到我多好野... 再者, 見到樓下security食住啖飯, 仲要個嘴"chee"住粒飯咁開門比d客... well... 真係咩興趣都冇哂......車位又貴又未必有... 算啦, 所以睇左5間之後, 我地都放棄唔再睇lu.... 同個agent say goodbye之後, 我地就去左屋村既商場行行... 不過又幾impress喎, 同以前真係好唔同呢..... 飲左杯野之後就散水lu... 因為都成6pm la.... 之後各自返屋企休息la....

但8:30pm我地兩pair人又再出返海港城食飯..... 今晚子都係第一次同我地去果間餐廳食意粉呢.... ^^ 開開心心又過左個星期日la... 聽日又要返工絕地大反擊..... 跑數呀... 要努力d搵$$$$$呀...!!!