2月3日 感覺返來...

新春快樂... 工作正正式式又再開始了... 祝各位工作上都要順順利利 !!!

由初四正式開工以後, 工作感覺開始有點逐步回來... 市況雖靜, 而工作環境更是嚴峻, 但心情卻比放假之前更平靜...  自己唔知點解... 好似有點破釜沈舟... 今日今刻, 唔好講話搵錢.... 反而唔想輸既感覺更drive到我去跑....

記得第一年落行, 冇network, 冇人脈, 咩都冇... 事事靠自己.... 企queue,入票,攪card咩都做....咩都接, 直到慢慢有d成績.... 開始多referral, 唔洗咁辛苦...再加上07至08年頭預上好市, 基本上坐係度慢慢接都唔憂做....不過果股火卻收了.... 一個懶字害死自己...唉...

呢幾日返工有d想起舊batchmate阿Doug, 雖然佢已經離開左獅子銀行, 但當年大家一齊日日係咁跑, 食飯每日都係食20mins....感覺真係好火....做野做到金睛火眼....  雖然每日放工都好累, 但return同心情卻很滿足....

過年之後市況仍然嚴峻, 人流卻得返以前既25%左右, 而potential既client更時少之又少, 所以新年開工之後就迫左自己每晚早睡半個鐘, 返工更要用盡力去保住股火..... 雖然呢幾日既result未至於好成功, 但都feel到有significantly improvement.... 一日一deal雖然好難, 但唔理佢大定小, 呢幾日都算做到了.... 我真係很希望呢個感覺可以keep住落去.... 說真的, 我很大壓力... 但我很享受工作過程(有點變態)!

2月1日 團拜

今日係初 7 , 即係人日啦.... 先祝大家生日快樂, 希望個個都要開開心心啦... !!! 呢個weekend都過得幾滿足呢.... 星期五晚就同左華仁班同學仔出左去飲野唱K, 而噚晚就去左買speaker and有班auntie上黎屋企拜年.... 係美中不足既係車車溜油問題, 又要拎佢出去整... 真係煩, 最鬼怕就係攪呢d野...... especically新年流流.....  不過nevermind啦... 今晚都過左一個好愉快既gathering呢... ^^

而今日本來就約左去恩恩屋企, Nelson屋企 and Jackie屋企玩團拜and拜年.... 不過起身之後都唔夠時間啦, 所以只係去左恩恩屋企拜年and探佢一個3歲大仔仔and8個月既女女, 本來打算同佢地飲茶, 不過如果飲完茶都成3點幾4點.... 所以都係坐左一陣就走lu..... 恩恩個女女好得意, 不過就好怕羞, 唔比人抱.... 今次真係比佢拆左我招牌呢.......

而Nelson個兄弟姐妹團拜今日我就真係去唔切啦... 唯有遲d同子再入去啦.... 離開左之後就急急腳咁去左沙田食野, 再去左鋪頭睇"d"野呢....   ^^ 之後就趕入梁生屋企呢... 借左黃生張相先........ 因為冇咩同小B既靚靚照.... hehehehe

今晚女仔既就四方城, 男既就大弟城... 各有各玩!!! 好熱鬧呢..... 之後我地仲出動左7人車去左扮"大丈夫"咁去左元朗拎今晚既dinner.... 大大盤菜!!! 好好味!!!

由於聽日個個都要開工啦, 所以玩到10:15pm我地都走la.... 今日係09年既第一次"開檔"呢.... heheheh... 我都好好彩....... 有d收穫呢... 希望今日事事都順景啦, 聽日又要努力搏一星期啦......

1月31日 Altec Lansing入手

 好開心呀...!!! 讀左咁多日forum又搵左咁多日資料, 今個下午終於搵到一對自己好鍾意既電腦speaker啦.... 真係好好好開心呢... !!!

今日終於忍唔到手.... 到左灣仔搜尋Altec Lansing- MX5021, 行左好幾間shops....不過搵黎搵去都搵唔到, 最後搵到一間做promote既, 又冇哂貨.....

  正當失望之際, 就去返上次行過既298商場, 又比我搵到有間shop有last有盒.... 同個老板吹左陣水, 佢話原來MX5021係冇停產過喎... 佢話去代理都可以拎到貨.... 點解停產呢??? 因為呢隻speaker係幾年前既products黎ga.... 點解唔買新款and why I choose this model??? 原因好簡單, 我之前用左Altec Lansing都有6-7年... 三個字講哂... 抵用, 樣靚, 襟用!!! 對呢個brand好有信心, 而MX5021仲要係佢2.1speaker中既Flagship Product(仲support THX)!!!不過..... 最近所謂既新product, 我都有去睇過聽過.... 新既comments係... 用料差, speaker and sub woofer都唔夠力, 同以前既產品相比.... 真係冇得比..... 買完之後就托住拎返部車..... 真係好重呀.....!!! 超大箱!!!

拆箱啦... 好興奮呢......  好期待呢... heheheheh.....

唔理啦... 返到屋企即時換左同我共渡了7年光陰既Altec Lansing ACS33....   以前一直唔捨得換佢, 因為我o係melbourne時都係用佢, 一直都好滿意, 就算返香港d行李幾重都好, 我都要拎返佢返黎, 因為真係好正.....WOO~~不過今晚即時試哂新歡舊愛... mx5021真係正好多啦....  試左聽歌.... 一流!!! 高, 中音都真係好清晰, base就更加唔洗講la(pc speaker quality standard)...好滿意!!!!!!!!!!

舊個speaker點安置... 右speakers有時short short地冇聲, 留返佢地做後備啦, 而個白色woofer.... hehehehee... 放回原址..... 做咩.....??? 腳踏lor..... 用左咁多年.... 冇左真係唔憤呢....

1月28日 年初三 車公廟

今朝一早起身, 本來打算同埋大佬地一齊去車公廟, 點知佢地又要去埋飲茶, 下午先會去, 所以我同子就先出發la... 不過都成2:30pm至到.... 其實都有好多年冇去過啦... 以往年年都會跟阿爸阿媽and一些uncle auntie一齊去還神同拜神, 有幾年就同埋表弟地一齊去, 不過都有兩年冇去過la.... 聽說如果一切順利, 就唔需要去求神.... 眼見上年不是太順, 就去左求個安心...希望今年事事順利....多謝子陪左我去迫....

今日其實都ok呀... 警察既安排都不錯, 進廟, 點香, 求神, 打鼓, 轉風車, 成個過程都唔要30mins, 係走果時攪左好耐啦.... 不過好在今日警察叔叔都俾我泊街街呢....^^

車車今日行到60000km la... 不經不覺平均每年都行左10,000km... 最近車車有d小毛病, 希望佢冇事la... 不過都仲係觀察期......

3:30pm去左梁家拜年, 大家心血來潮, 又訂埋飛去貝沙灣睇8pm既"游龍戲鳳", 華仔真係勁ok.... 基本上套戲既上半段都好ok, 仲好好笑, 不過埋尾就一般, 不過求開心既... 就算好好睇..... 我地睇戲之前仲去左香港仔dinner呢..... ^^

睇完movie, 10:45pm就返到屋企lu... 聽日又要返工, 點解d假咁快就放完ga.... woowooo... 點都好la... 明日要加油呀!!!

1月27日 年初二 極速拜年??!! 為左咩???

年初二啦.......  今日子終於返左黎la.... 哈哈哈.... 今日個topic係叫"極速拜年"喎.... how come呢..... ^^ 慢慢就知呢....

今朝十二點先出左去香港站接子, 之後佢先上左去我屋企拜年, 之後我地1pm就出發去grandma屋企食開年飯.... 今日餐飯好豐富, 咩都有得食呢.... 辛苦哂兩個姑姐+子+Ally..... 我地今日個個都好趕, 為左d咩... 其實就係今晚個海上睇煙花既Family Gathering.....今晚會5pm o係尖沙咀碼頭集合, 之後o係船上面dinner and睇煙花呢...., 但係由於食完開年飯都仲有兩個地方要去拜年, 之後仲要泊車, 所以都幾rush呢....

食飽飽之後都已經成3pm, 之後我就同大佬及家人一齊afternoon ride咁由鯉景灣出發, 之後先去探潤叔, 不過今年留得真係得一陣, 咁多年最趕就係今次, 之後再出發去深水步既舅父屋企拜年, 呢張相真係影得一部份人ja,因為仲有好多d表哥既仔仔女女and兩個大表哥今日都沒見到呢........

又係留左一陣都走la..... 4:30pm就走la... 因為5pm要到碼頭, 先開車到elements打算泊車, 點知去到又超塞, 塞左成大半個鐘先知個car park都封埋又冇人通知......攪到要趕返車去大角嘴泊車, 再撲的士落去........ 最終攪到成6pm至到, 成村人等我同大佬兩pair人...... 唉... 超級唔好意思

今日出海睇煙花既節目係由健仔arranged既.... 講真, 由佢第一日話今年要攪返多d family gathering開始, 我真係舉腳支持, 所以雖然今日個party真係好趕, 但係我都會支持, 呢幾年各有各忙...有返d家庭節目係必要既...我都會繼續支持啦! 其實我地屋企人都幾重視呢樣野, 所以次次攪親飲茶晚飯個個都會出席ga...想起阿婆時代果時我地仲會個個星期都會見面ga.... 健仔! 下次攪咩先??? karaoke??? 而今日維港真係可以用超大浪and超冷黎形容.... 我一向都唔怕冷, 不過今日真係今個冬天最冷既一日, 打哂冷震...上年最冷既係Mini Club既BBQ Party, 而今年就係今日....  而子仲暈埋船浪... 仲嘔左d野落海呢....(養魚???).... 真係估唔到佢係最快果個呢... hehehe... 到煙花開始啦....... 不過都冷到冇咩心機睇.......

8:30pm o係上環上岸, 之後同左大佬, ally, 子, 姨媽 and健仔一齊去左澳門茶餐廳食返d野是暖下身...... 大約10pm就散lu........ 而我之後同子就由信德中心條天橋一直行返去香港站, 再返去奧運站..... 因為車車泊左o係果度, 而我都要上佢屋企拜年呢..... ^^ 好耐都冇同子行咁多路拍下拖la.... 今日天氣又夠冷, 大家一面行行行, 一面傾傾傾... 又幾sweet ga bor.... 不過係要呢d天氣先正ma.... 冷冷的... ^^

返到子屋企之後, 都係留左一陣就走la... 可能今日真係太趕, 又太冷... 用左好多energy呢.... 所以12am左右就離開返屋企lu.....  返到屋企車房又再check下部車車, 今日水箱冇溜水喎, 咁應該ok喎....... 又放心d lu... ^^

1月26日 大年初一

牛牛年啦!!! 恭喜發財!!! 祝大家今年個個都身體健康, 快快樂樂, 心想事成啦!!!

年年既年初一都係差唔多, 噚晚掛住煲套"火燒圓明園", 所以今日都成11:30am至起身, 食左阿媽炒既年糕, 蘿蔔糕and茶做早餐之後, 跟住就等2pm到鯉景灣grandma屋企食午飯..... 今年見到警察叔叔係咁抄牌, 所以都唔敢四圍泊呢....開開心心咁過左同屋企人過左個初一!!!!! 今年阿B又大一年..... 真係唔開始認老都唔得...

食飽飽之後就先去左伯母屋企(即表弟既grandma屋企)拜年! 哈哈, 其實年年都差唔多, 之後就同哂姨媽, 表弟們及未來將會成為一家人既靚女們一齊上哂我屋企團拜........ 不過今年佢地都冇留o係我屋企食dinner呢.... before上返屋企之前就check下自己部車車睇下哂情況, e~~~ 今日又有d水o係個蓋邊溜左出黎喎.... 又攪到心情有d擔心呢.... 再整緊d睇多兩日先la... 不過check左個water level都仲係好高喎....

5:30pm左右, 突有貴客到訪.......yeah!!! 係梁生梁太+小B.... 年初一都見到佢地, 實在太意外and開心啦.... 如果子佢都係度就齊哂人呢..... ^^ 見唔見到小B手執住個大炮仗, 佢今日真係好可愛... 屋企個個人都好鍾意同佢玩呢...

小B之後仲去左我張床度游水and唱歌仔, 睇見佢玩得咁開心....又係咁學叫.... 真係好可愛呢.... 就係因為太開心既關係... 小B仲送左一份新年大禮俾我...係你ja小B.... 鬼叫我錫佢咩..... ------>  

個個人都開開心心咁過左年初一..... 今年都係第一次同埋佢地一齊慶祝, 講真..... 都幾開心呢....... 睇下小B佢笑得幾開心, 你要黎多d啦......

之後book左檯 8pm到Timessquare鍾菜食dinner, 阿爸阿媽jackiekennisjason一齊食.... 又玩bull dog, 又傾下食, 又傾下旅行湊仔鐘錶等等等等......... 咁又過左一晚呢....... 真係好開心.......

10:30pm左右返到屋企就開始執返間屋and就做埋開年拜神lu..... 希望今年事事順景, 身體健康, 財源滾滾and開開心心啦.....

之前車會幫我同子影左張相.... 今日可以用la.... ^^

 

ps. 上年初一既blog

http://hk.myblog.yahoo.com/keislee/article?mid=469

1月25日 年三十晚 (團年)

年三十晚啦... 噚晚玩到好晚至sleep, 所以今朝好late至起身, 連下午飲茶都冇去到, 不過nevermind啦... 今晚食左餐好好味既團年飯.... 所以都好開心呢...!!!

今日子就同佢一家人去左澳門過新年, 所以我都冇咩野做, 起左身之後, 人地就有兩日年28打掃好哂所有野, 不過我就懶, 攪到今日下午至洗..... 哈哈... 好彩好快已經攪點哂.......heheheh... 少有咁整齊... (男仔房係咁上下la)....

洗好房, 就落埋樓下洗車車.... wa.... 超冷呀... 又冷水, 又有冷風吹...., 之後打開車頭cover再洗埋車頭, 點知... 嘩... 個水壺又有水跡既....換左冇一年bor, 唔通噚晚果轉勁得滯....??? 小心check下, 洗左佢再睇下點先... 今晚出去食飯一轉, 返到屋企再check, 又冇事喎.... 好彩..... 不過都要小心....

另外, 今日仲有一單開心事, 噚晚為左條頸巾唔開心左好耐, 今日佢竟然自己出現返, 仲要係摺好咁放左o係樓下既路柱上面, 所以我相信係個的士driver拎返黎, 真係好彩啦...... 相信子都好開心呢...!!!

今晚本來打算同班朋友仔出去再迫花市, 不過... 沖完涼又懶lu........ 都係留o係屋企count down la.... ^^

預祝大家新年快樂!!!

1月24日 年廿九行花市

今日係星期六即年廿九啦...而今早仲要一早開工呢, 冷到傻呢!!! 而放工之後就去左飲茶, 不過grandma地就冇黎, 因為聽晚做所節.... 而噚晚就同左子屋企做節!!! 今年跟以往一樣, 佢要過澳門過節...  所以今日下午接左佢放學之後, 我地都plan好左今晚去行花市呢...... 下午子仲陪左我去搵PC Speaker呢... 依家用緊果個都差唔多到期lu....

去花市之前就約左梁家一齊去食團年飯... 哈哈係再食而o岩(好似星期二已經食左咩), 見mood又到, 我地就去左W's Entrecote食dinner... 呢度食扒真係好唔錯!!! 今晚我地仲食左... 好美味既牛扒呢.... ^^ 預祝大家牛年快樂!!!

Foie Gras Poêlé
Pan-fried Goose Liver with Prune & Port Wine Sauce
. . . . . . . . . . . . . . . . . . . . . . . . . . . .

Bisque de Homard
Lobster Bisque flavoured with Cognac
. . . . . . . . . . . . . . . . . . . . . . . . . . . .

Entrecôte
Grilled Ribeye Steak
. . . . . . . . . . . . . . . . . . . . . . . . . . . .

Petit Gâteau au Chocolat Servi Mi-cuit
Avec Une Boule de Glace à la Vanille
Warm Chocolate Cake served with Vanilla Ice Cream
. . . . . . . . . . . . . . . . . . . . . . . . . . . .

Café ou Thé
Coffee or Tea

食飽飽之後就同子去左"迫"花市.... 不過都可以"行"到兩步la... 不過都係迫到比人踢到鞋果隻.... 年年入去都唔係打算買花, 都係志在迫下, 買d玩具過下癮....今年就買左下面呢樣野la..... 幾得意ga......

行完之後先返自己屋企...... 點知...... 子條頸巾呢.....??? 明明離開花市時仲見到喎.... 搵極都搵唔到..... 我知佢好鐘意ga, 因為呢條綠色paul smith係佢個姊妹kathy送既bday present呢ga...... 唉.... 攪到今晚有d美中不足呢.... 我估應該跌左o係taxi >.<

1月10日 誓師大會???

等左一個星期, 今日終於到星期六可以day off一朝早... well... 一朝早only, 因為到左下午2pm-6pm.... 我地成班同事都要出席 o係亞洲博覽館既誓師大會...嘩!洗唔洗攪到咁遠呀.... well, 不過攪呢個會既原因我都唔commend有人定冇人.... 不過攪個呢d會相信又花了一大筆..., 仲要不斷remind人跑跑跑數....唉... 而今日仲有個Q.3既Top Sales Award... 全港o係quarter 3最好果5個WMM各人都有一隻"五枝火柴"手錶作為禮物.... well...今次全港既Top5都係總行同事...真係有d意想不到..., 不過講真都幾proud of總行ga....始終大家跑既都係天文數字, 仲要係呢種市況....點都好啦恭喜哂  不過我始終希望假期係假期, 好想可以好好relax下instead of再出席公司function...

離開之後就先上哂Nelson屋企, 之前再接埋子一齊去kowloon city食dinner... 今晚jessiriskarennelsonnatnatandme... 都一齊食左餐開心飯... 總算冇waste左個星期六la...

食飽飽之後我地兩pair人仲返左去奧海城睇"葉問"呢.... 子都想睇好耐啦, 怕佢落畫, 所以今晚就去左睇9:45pm la.... ^^