3月10日 生日週開始

呢幾晚放工都同左d好朋友仔出黎食飯, 預先慶祝今年29歲既生日... 噚晚放工就同左老友記Hazel一齊去左銅鑼灣shopping, 本來想買d重要野, 可惜又未搵到岩既.... 唉... 唯有下次先la... 食過dinner之後又去左我最鍾意既shelter飲野...吹水... 多謝妳同我share左咁多野呢.... hehehee... 等妳份生日gift la.... 

而今日返工又真係好攪笑.... 大老板話我最近轉型成功, 數又返上軌道, 佢希望我下個星期做返個sharing workshop, 同班同事share下點樣可以做得好d..... 嘩... 起初聽到都有d受寵若驚又有d開心, 不過之定左之後就係咁驚..... 我又有各何德何能去share呀.... 總行大吧Top Sales, 要搵人share都唔係我啦....????....... 唉.... 好想推左呢個workshop... 但又可以點推呢....????  頂硬上啦....

下星期金管局新例正式實行.... 生意將會再一部難做.....都係果句.... 頂硬上x2, 而今朝8:15am返到公司開briefing, 放工又要開briefing...攪到成7:30pm!!! 攪咩呀... 好累呢....... 放工之後Nelson請左我去食birthday dinner.......  吹下水咁.... 兩個男人仔... 幾free又幾開心呢... hohohohohohohohoh....

明日就29歲啦.... 人生可能又有改變..... 希望一切都順利啦.....

3月7日 生日飯局 & Habitat Party

快樂的生日飯局!!!  多謝子, 梁生, 梁太 and 小B!!!

今年唔攪生日party, 唔飲酒, 唔唱K, 反而係想與個別好友一齊聚下食餐飯, 輕輕鬆鬆咁吹下水, 毫無壓力咁亂咁up下野, 真係好暢快呢!!!

接過梁生梁太既生日禮物..... 今年仲要有兩份好岩好岩心水既禮物呢....

想買好耐啦... 今晚一次過收哂... 開瓶器and真空塞..... 超實用and有心思呢... heheheheh 我好似之前係吹水間講過又好blog度mention過平時係房飲唔哂, 咁都記得既...??? 多謝哂呢....!!!

今晚去左星光行食潮州野, of coz要有最正既涷蟹呢... 超大隻....!!!

小B今日學到我整咀影相....??? 哈哈... 其實係我學佢至岩呢....!!!

今晚子仲預送多我一個蛋糕呢... hohoohho.. 又係mango dome???

今晚真係多謝哂你地呢...!!!

晚飯之後11pm就再去左灣仔Qre Plaza既Habitat Lounge!!! 因為今晚係我最好最好最好朋友and最靚最靚女既Jessica告別二字生日party呢...!!! 其實佢一d都唔似三字呢....!!!

識左佢都成15年... 由大家一齊時常見, 到同佢分開左半個地球, 一個澳洲, 一個美國.... 咁多年...到今時今日....佢都係我最重要既4大女性好朋友之一(Jessica, Kathy, 恩恩&Chien)!!! 呢幾個朋友仔既地位係永遠唔變呢...!!! 我結婚果陣時, 佢都一定係我"兄弟"之一呢.... 而今晚本來我都打算唔出去, 反而想約佢weekday食飯慶祝, 不過o係佢要告別二字頭果一刻, 我當然會陪佢渡過啦...!!!

今晚朋友都好多.... 仲有一d係好耐冇見呢........希望個個都開心啦... 171, 76, 15, 34...

最後更係要捉埋阿靚女胡小姐影下相啦...!!! 

今晚間Lounge我都係第一次去, 不過環境真係一流......下次都要同子去下先得呢..... 29/F, 晚間又清靜, 又有open area... 真係很不錯....... 今晚飲得唔係多, 都係一杯起兩杯止, 傾計時間反而多呢.... anyway... 今晚真係好relax and happy... Thanks alot!!!

3月6日 擇日???

今日下午子特然之間打俾我, 話要搵楊師父批命既waiting list起碼要等11個月, 如果要擇日就等一個月, 不過要先將屋企人既生日及要求fax到佢office先.... 既然心中已經開始有planning, 就好啦....!!! book左時間先...!!!

到左晚上, 先接左子一齊去左大坑搵野食, 今晚就去左食火車頭越南野.... woo~~~ 幾ok喎... 呢區真係越來越ok呢.. 食飽飽之後就去左探grandma.... well... 今晚真係超 ........ 每次正想開口問屋企人既舊曆生日, 佢地就會一輪嘴咁問問晤.... 結婚? 有左? or........????? 認真ugly呢....... 都話純粹擇下日ja..........未confirm ga~!!!! 都未有人知我會就快求婚呢....!!!

3月5日 求婚準備

前日星期二,提早離開銀行到沙田"見客",其實最主要既目的都係去拎隻求婚介子

當日真係幾開心ga, 好想快d俾佢, 等佢開心下.....不過自從拎左返屋企之後, 呢幾日心中其實有好多個問號仲攪到自己有點煩惱呢.... 不斷咁問自己這隻可以嗎??? 這隻子會喜歡嗎??? 夠好嗎??? 夠靚嗎??? 唔知點解特然之後會有咁多"問號"..... 我知道子要求既唔係呢d野.... 不過, 我真係好想好想o係能力許可既情況下俾最好既野佢....  求婚介子, 一世只得一隻, 更重要既係佢代表住一種承諾, 一種約定...所以我唔想求其! 最衰都係海潚, 如果唔係我一定可以買隻更ideal既送比子呢...今個時勢, 都係要留返d錢攪好d個wedding and 屋仔呢....  

最近工作上好在上了軌道, 等我可以好好咁預備一下, 其實心目中已經有好多好多個plans...不過點樣先係最好呢??? 我自己都唔知.... 又或者咩情況下向佢propose會係Best Timing呢...??? 定由得佢順其自然好d呢...??? 真係越想越多ideas呢 >.< ....最近仲睇左好多人既blog and forum.... 想偷下師呢....

3月1日 Kart Racing

今日Mini Club攪左個kart racing... 本來都冇打算去呢... 因為想星期日好好陪子休息下, 不過見子話冇問題, 可以睇我玩... 好啦... 出發!!!

今日有呢個位真係要多謝梁太呢... hehehe佢讓左個位比我呢... ^^ 今日去左龍鼓灘玩Kart, 說真的, 果度空氣真係好一般and好大塵呢...  不過都無傷雅興!!!

今日有20人玩, 我地先分左Team A and B, 每次10個圈....共3回合, 第一回合係warm up(原來佢count時間ga), 第二回就排位, 第三回就決賽(呢個回合就將由兩team o係排位賽時間最快果10車參加)...  我前面果個咪梁生lor!!! 都幾激ga!!!

第一回合我最快圈速唯1分09秒.....我都唔知佢地計時, 攪到真係排位賽就排第五位呢.... 到第二回合最快圈速唯1分03秒... 都好左成6秒.... 不過好在都夠入快車組既決賽, 不過要排尾二.....  心想括出去玩一場la.....

衝呀~~~衝呀~~~衝呀~~~!!! 我都唔知自己排第幾.... 只係想快d快d再快d.... 雖然唔係好快.... 不過都ok啦..... 呢組個個都好激... especially ximon... and 一個新memeber.... 成日貼住尾... 好激呀!!! 而最快既edwin我連佢個尾o係邊都唔知.....最終順利返到終點.... check返成績係快車組季軍呢.... ^^ 而最快圈速係1分鍾...... 好開心呢......!!! 我已經好滿足la.....

之後公布成績... e???點解變左第四既??? 有d唔明白, 原來佢地係計快車組+慢車組既總時間黎排, 所以我變左第四.... 感覺有d意外, 雖然係遊戲, 但係每一場既路面情況and對手其實都有少少唔同....既然已編了final match, 咁唔係鬥一場定最後result呢? 其實如果我知道係計總時間, 最後幾個圈既跑法一定會唔同....最後果場我知道自己後面冇車, 而我又怕開得太盡又再次打白鴿, 所以都收慢左以確保順利完成就夠呢.... 嗚嗚....  

不過都係開心最緊要呢, 始終都係想大家過下手癮, 如果下次個場d車好d就仲好玩呢...!!! 而今日仲要thanks ximon仲教左我頭三個灣可以盡油過, 如果唔係我都唔知呢可以去得咁盡!

我地班男仔of coz玩得開心啦, 不過就辛苦左班女士們o係度等我地玩呢... 為左答謝佢and多謝梁太讓左個位俾我... hahhaah  of coz飛車出返去太子請哂佢地打邊爐啦!!! 今日都幾滿足呢....

ps. 不過下午果陣真係等左好耐呢...由2:30pm玩到8:30pm至玩完, 我起初都係以為6pm就散呢... 超hungry!!! >.<

2月28日 朋友新玩具X5

今朝一早就要返工, 雖然辛苦d, 不過都算值得既... 事關既係經過一個月既努力搶救, 工作上都已經重上正軌la....  三月份如果一切順利, 都應該可以輕鬆過渡...  不過都會努力, 希望搵返d幫補下啦... 最近洗得太多la....

放工之後例牌family飲茶日, 今日加多3位朋友仔呢... heheheh.. 屋企人次次見親小B都好熱情.... 老豆最鍾意bb, 連grandma都想抱埋一份呢...hehehehe.... 一飲都飲到成4pm.... 之後就去左行街街呢..... 子真係慘, 仲要返學.... woowoo~~~

而今日仲有一個大節目就更係要去ride下朋友仔部新玩具la.... 其實噚晚子已經做左第一個啦.... 真係好!!! 一部咁貴既車用左黎送外賣..... !!! 阿梁生!!! 我下次送返甜品俾你/office hour送奶粉服務(remark: no 24hours)!!!

部車真係好大ga呢.....!!!

7pm去左接子.... 之後去邊食飯好呢... 咪咪摩摩... 最終入左airport清清地食潮州野.... 一行人o係車度睇下DVD, 吹下水.... 又陪小b玩下, 真係好不熱鬧....!!!

食完飯再加下場, 到TST食糖朝做宵夜呢... 之後就散lu... 本來想去cwb唱k, 不過今日實在太累la......

2月27日 老友日

噚晚同左蝦仔侍衛出黎食飯飲野, 一邊食又一邊係咁傾傾傾傾.... 都好愉快下.... 快d轉工啦.... 我相信妳真係要多d私人時間至得...... 真係估唔到噚日坐車經過我地一d既老地方, 今日就見到妳la....!!! 要講咩都同妳講哂la....  加油啦!!!

而今晚收工竟然要開OT.... 本來約好左陪朋友仔拎新車車and去舊同事飯局....... 點知........Bond Briefing???????? 我頂... 既冇回報, 又多野攪既野.... 真係waste哂d時間.....攪下攪下就連子都要OT呢..... 點解?????????

最終走得都成8pm, 所以都唔join朋友仔lor, 改直接到ACN班舊同事既飯局, 今晚去左SOHO既Pizza Express...又幾好味又幾舒服wor..... ^^ 嘻嘻哈哈又chat左個晚上, 不過今晚既topic又真係唔同哂呢... heheheheheeh.... 食飽飽都成10:30pm lu, 不過mood又有d起, 雖然聽日又要返工, 不過都去左LKF飲左陣野呢.....  呢幾晚真係留哂比老友仔呢...

2月25日 很美的婚禮

最近再有一位華仁同學仔ken先生結婚了... o係度祝佢地新婚快樂...

睇過佢地結婚當中既照片and 部分既video, 說真的一切都很美 !

所以希望o係度分享一下佢地既喜悅, 更加希望可以取下經呢...

再次祝新郎哥and新娘... 新婚快樂, 永結同心

2月24日 第一章 求婚戒

第一次去寫呢一個叫Ks 之 Wedding既topic...不過今日就先lock up佢先...就留俾自己一個人睇, 直到真係正正式式向子求左婚, 先大大方方咁同大家share la....所以相信當大家睇到呢篇野既時候, 大家都應該收到我同子既喜訊...

婚姻對於我黎講, 係人生其中一個最重要既環節... 唔知雙魚座既男仔係咪都比較愛幻想愛浪漫, 所以呢個wedding...我係好重視既... 其實已經有了很久既plan, 但口中卻盡量不提, 我只係想等到一個合適既timing, 我先會正式公開... 正正式式咁樣係籌備一個一生人一次而又完完全全屬於我同子既婚禮....

呢幾日都不斷請教就快結婚既同事, 又有已成家既朋友, 什麼是最好既求婚介子, 說真的, 我真係沒有idea, 鑽石, 結婚什麼什麼, 我腦海只有好多好多"問號", 不過經過一段上網既research and朋友既advice... 總算有些concept.... 其實一個大男人既我, 要我自己入去手飾店去問問又去睇睇engagement用品.... 說真的, 真係有點難為情.... 又好似唔知點咁, 不過好在既係, 鑽石方便有子既哥哥幫我手去搜尋, 始終佢地屋企係做呢門生意既, 我相信佢地一定可以幫到我搵d好野, 所以呢方面我都好放心, 不過款式方面, 就比較煩惱lu.... 噚日去左睇tiffany, 求其一隻普通既g/h/i colour, 有得一卡以上既都要成十幾萬.... 我自己睇到都打左個突.... 原來女人錢真係好易搵..... 不過一生人一次, 重要係比最重要既一個人...... 值得既...值得既 不斷咁同自己講   而今朝去左睇deep bees.... 仲貴...??? 唔係卦.... 不過好在前晚收到佢哥哥既sms話有兩至三粒都ok既仲可以睇下....  所以今日下午到沙田見完客之後就去左鋪頭睇貨, 經過一輪講解同比較之後....終於下左決定! 買左人生最重要既一粒鑽石做我既 "求婚戒子"... 同時係我地wedding既第一步呢!!!

不過最快都仲要一個星期至可以交貨, 因為仲要去俾師父鑲嵌呢.... 其實我都好心急, 不過心情卻放心了.....

子... 妳一定知我做親咩大決定, 我都一定第一個比妳知.... 不過今次.... 妳要做最後一個知la.... 其實我忍口都忍得好辛苦ga.... 希望妳會鍾意啦....

2月22日 飲茶

呢袋米係乜東東??? 留返一陣至開估....

今日難得可以好好地咁休息, 所以起身之後就同子去左行街睇戲Shopping食飯.... 下午先去左食我最愛食品之一既肉骨茶... 真係好耐冇食過呢.... 之後去左佐敦開左一套大陸劇返屋企睇.... 今次買左套"康熙帝國"返黎睇, 想買好耐... 而今次終於買到呢... 多謝哂子.... hehehehe 近排又可以煲下野lu...... 3:45pm就去左行elements shopping, 先經W Hotel泊車, 仲見到有部z4做花車...好得喎... 再睇真d原來係舊同學阿ken今日o係果度結婚擺酒, 差d唔記得..... 自己開車去酒店... 真係型, 仲要係z4呢....!!! 之後陪左子去睇"新娘愛鬥大"....... 最鍾意Anne Hathaway!!! 佢真係好靚呢...

睇完5:30pm收到梁家既call... 就約左去海港城tea and shopping呢.... hehehehe..... 又可以抱下小b呢.... ^^ 之後正當大家唔知食咩之際.... 今日終於有個新點可以試下, 就係大坑lu......... 果度真係開左好多新食店, 而今日我地就去左食中餐呢.... mo e最終都趕得切一齊食呢...... 正當食到開開心心之際..... OMG!!!!!!!!! 我竟然請左部iphone飲茶呀.... 我頂....... 佢之後唔知係咪嬲左我.... 成晚唔出聲, 但其他野都正常喎.... 返左屋企之後再攪下佢.... "warm"下佢之後又正常返.... 不過都係我擔心, 因為上網睇知道iphone係冇維修, 只係有換機... 但有condition terms, 如果人為 or 意外整濕都冇保養.... shxt.... 咁點呀.... 原來ear phone and機低都有張濕水紙.... 正常白色, 濕了就紅色.... 唉.... 都唔知點, 其實部機都冇嚴重浸過... 不過真係有d水入左ear phone位... 咁即係.... 有d"粉紅色"絲... 咁即係點呀....??? 唔知啦... 再上一d forum度recommend話... 可以整部iphone放入米袋等佢吸緊d濕氣.... 既然冇計.... 都試試la........

其實今晚佢都正常返la... 不過希望佢冇野.... 所以都係再請佢食飯la... 祝佢平平安安......