12月18日 Surprise Pre-B'day Party for 子

好開心呢!!! 今晚子佢過得好開心呢  因為今晚大家為佢舉行左個surprise birthday party呢...其實都唔可以叫party, 其實都係想一班好友聚下食件cake呢!

當然子係要最開心啦...!!!

今晚真係要多謝所有有份幫手及出席既朋友仔... 多謝你地呢! 本身呢個party係想係19號正日先舉行, 不過由於今年係子最後一年單身過bday, 所以正日都係留返俾我啦... 而且呢個homemade birthday cake19號又冇期, 所以就18號安排啦....  子見到個人頭咁大個鴨仔cake一定好開心啦!

今晚子都要返學, 所以我一直同佢講, 話放學之後陪佢飲野and倒數, 不過由於星期五所以好多地方都冇得訂檯, 唯有等我自己先去walk-in搵位.... 叫佢自己放學搭taxi搵我...hehehe... 實質之前就約班最要好既好朋友仔一齊玩, 而之前我仲要到清水灣道附近拎呢個bday cake呢... ^^ 謝謝妳呀... Iris! 多謝妳既推介! 今晚本想到Aqua/W Hotel... 而最終都係到Living Room @ Whotel...感覺上大家都方便些....

由於怕冇位, 所以我最早到... 之後老友老友逐個到黎... 今晚真係多謝你地既出席呢... 10pm子就到啦... 大家都係飲下野... 傾下計... 其實都幾relax ga... 不過由於living room佢越夜就越變club... 所以音響都越來越大呢... 有見大家都唔係狂飲既人... 所以暗中同梁兄傾plan2... 仲借左佢新居開party呢... 所以求其搵左個借口... 話轉場仲叫梁兄先拎走個鴨仔cake! 而我同子之後晚一點就到...(今晚子跟elements都好靚呢)

剛剛好12am個個到齊... 而我就出場啦!

點解收到個cake仲扁左嘴既...

仲要眼濕濕?  哈哈.... 妳開心就好了... ^^

之後有人唔捨得切鴨仔個頭呢.... 哈哈... 等我黎吧啦!

好開心... 之後jason仔都出埋黎玩呢....^^ 咁樣好似仲開心, 而且仲可以參觀梁兄新居! 仲要多謝X兄and A兄呢!

Chi~~~ Happy Birthday!!!!!!!!

完左party之後1:30am我同子仲上左新居睇裝修呢... 因為睇完要俾埋comments, 佢地明日開工先知有咩要執呢... 所以超累呢.... >.<

12月15日 又一件傢俬

今日開車返工, 因為放工之後會好趕時間, 先要接子放工之後再去訂野, 訂完野又要7:30pm前送佢返學... 真係好趕呢...  不過都好開心既, 因為又完成一件事... 下面相既係咩黎呢...???

開估啦... 就係sofa啦...  之前去過N咁多間網好多人介紹既而又有名既sofa專門店睇sofa, 可惜唔係太大, 就係唔好坐, 好坐又靚既就貴到暈...  由於大部份sofa都係要訂做, 所以今晚再唔攪就真係攪唔切呢...

係要靚定要好坐既情況下猶豫左好耐..... 靚既唔好坐, 好坐又唔靚.... 真係好難make decision呢....  攪左好耐都係決定訂造, budget可能又要預多少少... 不過最緊要既係size fit返間屋.... 而最大既問題係時間, 佢地依家訂都要等到1月中至整好.... 嘩... 到時又要等sofa, 又要prepare wedding....真係幾趕呢...

不過原來皮sofa真係好少有灰色ga.......... >.<

12月14日 新屋電掣

今日老豆幫我去買哂新居既電掣... 真係唔該哂呢... 因為都幾趕用

上網做左陣research之後就已經可以決定用Clipsal呢隻牌子, 原因之一係依家屋企所有既電掣都係用緊... 所以比較有信心呢... 下面全是E3000系列

真係唔自己攪過裝修都唔知原來呢d濕濕碎碎料都幾貴... 以為一兩千蚊可以換哂全屋既電掣....點知....買掣都用左千幾, 不過仲未計人工喎...  加加埋埋又一條數, 都肉痛ga, 不過都係一次過啦...

後記一段, 就係clipsal已經俾schneider收購左, 所以新既clipsal掣都唔會有盒做packing, 而且掣上既名都係schneider ^^

12月13日 Invitation Card for Guests of 66

婚宴既請帖都已經安排好印刷呢!  最快會o係月尾就會到手, 由於對酒席請帖既要求不是太高, 所以都係用了最基本既坊間喜帖!

子同我一直以黎都希望將最好既resources放係下午舉行既證婚儀式上面呢...  大部份睇開我個blog既朋友and好友都知, 我倆既證婚儀式將會係Conrad既pool side舉行.... 由於希望可以有一個既莊嚴又愉快既party, 而且由於當日既坐位都有限, 所以出席人數都只可安排在66人以下... 所以可以出席既朋友都只會係最近親既親戚及好友! 希望到時大家都可以在最舒適既地方分享到我地既喜悅!

出席既朋友除了有婚宴既請帖之外, 還會有由好友Jen. A特別為我地設計既Hand-Made Invitation Card. 今晚見到真身之後都有點等不切要同大家分享一下... 上面既兩款都係未完成既... 因為兩張card既中間都會有好粒好靚既 "石"呢.... 不過唔打算依家將佢"暴光", 大家都係等等吧!

今晚子同我都上左佢新居睇辦呢.... ^^ Thanks alot Jen A.... 

之後仲參觀了佢新居既Toilet呢... 好靚呀...!!!

12月12日 為新生活籌備中

今日係星期六... 一早既要返工, 放工之後又要趕住要confirm好多野呢...

1pm收工之後就同子先到左灣仔訂牆紙, 之後一齊再去左婚宴場地傾run down and confirm 當日setting呢...  今日天色好靚呢.... 所以場地都好似特別sharp and靚呢.... 子同event manager cindy仲傾得好投入呢...

外面個景仲可以見到維港呢... 希望當日天氣都好啦....

傾完酒席之後唯一最不滿意既就係音響, 唔知要唔要再book好d既音響呢...? 不過cindy既服務真係好好呢.... 其實event manager好之後, 之前winnie都跟得好好... 今次wedding最開心既係我地所遇到既人都好好呢... 之後就再趕去cwb同屋企人飲茶....

下午之後就趕去confirm新居既傢俬and燈飾呢.... 可惜越急就越搵唔到.... 依家最趕既係confirm新屋sofa... 訂造到送貨, 三至四星期少不了... 真頭痛... 要靚? 要舒服實用? 真係要有取捨... 由於新屋個廳不是太闊.... 所以要了舒服, sofa相對大, 要都幾影響間屋既觀感......  要靚又唔係太好坐..... 真難選 .....一直想搵灰色既皮sofa....

起初上網search到一隻叫Cheers'... 個名好似好怪咁, 點知去到場中一試, 真係好好好好坐.... 真係好鍾意呢... 不過由於設計較深, 所以一放入屋之後就會好"大舊"... 不過子同我都好鍾意喎......

之後再上網睇左其他Ikea, Giormani, G.O.D.... 等等... 可惜都冇一間ok... 因為唔係太大, 就唔係太好坐.... 到噚晚搵到一間叫Sofa So Good... 今午去睇睇... 又ok喎.... 最愛呢一款, 不過佢係布類.... 子有鼻敏感... 所以機會不大... 不過真係好靚.. 坐就soso啦... 

下面呢張size ok喎.... 佢有灰色既類... 不過又唔夠灰... 好好坐, 不過冇cheers咁好坐... 但overall size又ok... 咁點呢...??? 想多一陣先啦...

行完之後趕的士返屋企... 見證香港足球隊既歷史時刻....... 今晚真係好proud of Hong Kong Football呢....

睇完之後約左班老友記到海港城食burger...... ^^ 食跑之後都11pm呢... 之後上新屋睇進程... 今晚好開心呢... 因為d門開始轉色啦..... ^^

之後再同ximon兄兩公婆傾下d sharing... 又1am啦... 返到屋企本想睇曼聯... 可惜已經累到sleep左... 起身果刻都已經完場了.... >.<

11月28日 對親家?!

其實自三月求婚之後開始, 子同我兩個都一直都沒停過, 婚禮籌備, 新居安排, 工作及子既課程, 大家真係一有空閒時間, 都會用o係婚禮既籌備工作上呢...   

其實整個婚禮籌備工作, 子同我都安排得好開心, 因為好好彩地好多事大家都可以有商有量, 基本上所有決定都係由我地兩個人一齊去決定呢... 所以一直以黎雙方家長都好信任我地and俾好多自由度我地呢... 呢方面真係好感激佢地呢... 因為佢地一直都沒有過問我地太多野, 而且好多時都係以我地開心為前題.... 真係多謝哂!

所以忙下忙下...一直都想係settle大部份野之後, 先約佢地見面, 而直到今晚大家終於有機會安排食返餐呢... hehehehe.... 其實好多野之前我地都已經各自同父母傾好哂, 所以今晚大家都係好輕鬆and開心既情況下食左餐"對親家"飯呢... heeehee..... 子既屋企人其實同我屋企人之前都見過面, 只不過當時仲未到談婚論嫁呢  

今晚8pm大家到左奧海城食飯而之後子既daddy仲請哂我地上哂佢屋企呢........ 開開心心咁呢!

順利過關!

11月27日 老友新玩具

最近公司又唔知要攪咩promotion, 攪到每逢四五六呢d黃金時間都要開OT...  真係唔知有咩用... 而今晚放工之後先去左剪髮, 今次又一次狠心咁剪短哂... 留左成五個月, 真係有d唔捨得呢... 本想留長少少過christmas...到我結婚時先剪, 不過都係算啦...大佬下星期六就結婚, 我都唔知將來睇返d相好似長毛飛咁...所以都係... 剪啦!

整完之後先返屋企休息一陣, 之後接子放學... 跟住再約埋班老友記食dinner....嘩... 今晚又有人有新玩具喎.... 等我做下記者影下相先... hehehe 係左154km only ja! 不過係咩車呢....?個錶板咁既.......???

heheheheheeeehehehe..... 最終又俾我偷拍到佢既蹤影呢... 好大部呀!

11月26日 婚禮進度

呢排子佢都放緊大假, 所以我都拎左日annual陪佢一齊攪wedding及新居既野呢!  噚晚已經訂左帖 and 同maggie開會... 希望快d可以settle埋樂隊, 咁就真係可以放心啦!

今日下午1:30pm先到左會展開會, 傾下婚宴當日既setting... 真係唔講唔知呢... 原來都幾多野要傾ga... 既要傾seat cover, 又要傾head table用色, 餐巾,guest table... 等等...  雖然好enjoy, 不過都係冇我好想要既colour... 再睇睇先啦.... 題外話... 今日winnie話原來佢都有睇我個blog呢... 真係高興佢都好鍾意我地既pre-wedding呢!多謝哂!

3pm就到左Renaissance Habour View傾decoration, 原因係會展既deco job係由佢地負責既.... 不過睇左佢地既package都係好一般, 最終都係由子同我自己畫俾佢地, 叫佢地follow就得.....不過都係要加錢... >.<

開完會之後4:30pm就上左師父公司見面.....waiting list左成11個月... 今日終於到我啦, 子就上星期已經上左去啦... 楊生真係好ok...... 之前擇日等等等都係靠佢呢! 希望一切事事順景啦!

睇完之後又約左梁生食tea... 再晚d又上左新屋睇工程! 今日真係好忙呢!