10月6日 表弟結婚了

4個由細玩到大既表兄弟! 我哥, 我, 表弟偉 and 細表弟健! 今日健仔結婚了!!!!!!! 恭喜哂vancci and kenneth!  
祝白頭偕老&永遠幸福!

10月2日 當大白遇著大迪!

今次換車... 或多或少都係受到好友May and JC既影響! 因為之前佢地用開A4, 問過佢地意見之後就去馬了! 哈! 點知我落左訂之後, 佢地都訂左部新Q5! 大家都係9月出車, 仲要係一樣色! 今晚我部"大白"就第一次同佢地部"大迪"相聚了!!! 哈哈!

9月30日 中秋節

中秋節快樂! 今年沒有特別慶祝, 因為外父還在醫院, 所以今年都係簡簡單單食一餐就算! 更沒有特別出去夜遊了
祝大家中秋節快樂! 大家都健健康康!

9月29日 新PS3

之前用左兩年多既PS3突然失靈.... 不整了!
多謝子送俾我既新機!!! 剛剛日本28號出新一代, 29號就已經到李家啦!  呢部係500G, 都係2080 ja! 仲抵過上一代!

9月28日 探探Adrian b!

放工之後兩公婆就趕到仁安醫院! 探探為食兵團既最新成員 ~ adrian baby!!! 恭喜brian and ada!!!

人真係好神奇, 前幾天我地仲一齊食野..... bb仲係媽媽肚入面! 今日已經已經出左黎3日啦!!!

9月27日 A day for celebration

一些特別既日子總是想兩公婆一齊 
其實最近真的發生了很多很多事... 工作, 車車, 家人入院等等等等太多野....
放工時很想兩口子四圍去relax下.... 最終選擇了上山頂... relax下... cheer up!!! 

9月18日 Welcome home AUDI A5

俾預期中早了兩星期 ！Welcome home AUDI A5! 大白正式 report duty! 這是我的第一部四門車! 兩口子放工之後就一齊去左Kowloon Bay既Audi workshop接大白返屋企!

9月15日 進入銀河時代

在前兩晚半夜三更睇住蘋果最新發佈會之後既兩日..... 我都決定"暫時"進入銀河系了 



睇住蘋果既presentation, 部機真係好勁! 好鬼死強! 只不過作為蘋果既"用家" 唔係fans,  我真係覺得佢地今次部iphone5真係冇令人有 "wao"一聲既感覺! 一部既強又勁既機! 個interface用左n年, 都真係有點而悶啦! 仲記得細個既時候, 成日換手機, 見到朋友又會交換睇下玩下.... 今時今日... 哈! 部部都一樣! 不過最重要既係部手機好多時用唔到長, 近期舊電真係去得好快, 而且update左ios之後有點慢.... anyway.... 就試下galaxy s3先! 呢部機一出果時真係有令我有 "wao"既感覺, 所以忍唔住一出就買左部俾子用.... 又好! 好耐冇用過情侶機啦!




突然買機? 唔係呀! 其實前兩日sept 9去左車會既會慶! 今年終於俾我抽到頭獎 Galaxy S3手機一部! 二獎係iphone5, 不過未出! 到時有先領獎  有點luck! 都係留o係身邊用下先! 當晚仲見到花仔! 好耐冇見過佢, 正當我地有點擔心佢認唔認得我地, 佢已經叫左"natnat"啦! 今次見佢大個左好多, 仲識得講好多野! 叻仔!

Anyway! 再見啦! 呢個interface都用左成4-5年啦! (不過唔知一陣又會唔會轉回iphone呢?)

9月3日 再見小白 ~ Scirocco

再見了小白 ~ VW Scirocco 1.4 Tsi!  多謝你呢兩年三個月多既陪伴! 每天返工放工, 接老婆等等等等.......多謝你! 你是我為了慶祝新婚生活新開始既新車! 所以都很有感情呢! 其實你仲好新, 而我仲好enjoy兩門身車既感覺, 不過...... 哈哈! 今日交車見到新主人咁鍚你, 子同我都好高興呢!!! 祝你日日都工作順利啦!!!

8月30日 充電中

新工作在即! 子都拎左10日假陪我! 大家本想去個short trip, 但又唔想係到人又累, 心又散! 最終去左澳門好好休息下就算! 今次去左威尼斯人住, 子話唔叫個breakfast係房食下, 都唔可以好好咁hea到... 又好!