2008/2/8

2月7日 大年初一


恭喜發財~恭喜發財~ 大年初一啦... !!!  今日又係family既一大日子啦....


o係呢度同大家拜個年先... 希望大家今年都開開心心, 身體健康, 心想事成啦... 想個樣, 得果樣ma.... ^^


今朝一早起身(不過都成11am), 食左阿媽整左既年糕&茶, 之後就等去grandma屋企做節lu.... 年年都係差唔多.... 今年阿B都算大個左la... 不經不覺都讀緊小學lu.... 相中有grandma啦... 阿b and 大姑姊....新年個個都開開心心呢... !!! 係煮飯果個busy d呢....^^ 我地都係食到3pm左右就走lu... 因為之後要去伯母(偉仔健仔既grandma)大坑既屋企坐坐呢!!!



3:30pm左右就上到去, 而今日都好多人姨媽果面既親戚呢... ^.^,  我地上到去聚下, 又睇下賀歲杯.. 之後就返上我屋企lu.... 今日比較特別, 因為好今年好齊人咁上哂我屋企.... 有我兩個表弟啦... 佢地兩個女朋友啦.... 姨媽啦... 等等.... 所以都好熱鬧... 講真呀.. 好耐都冇試過咁齊人啦... 早幾年我大佬o係英國, 我係澳洲, 兩個表弟就係加拿大... 真係分到散哂....呢..... 而今日總算可以一齊聚下... 玩下....


左起最細既健仔(d人話我地似兄弟多d喎...), 之後偉仔, 我 and 我大佬..... 好耐都冇一齊影相呢... 新年就係有呢個好處... 可以聚聚....  其實我地由細玩到大ga, 不過依家就真係各有各忙..... 既然聚得... 就要做下我地最like既打機la... hahahaa... 而另外一邊既大人and女友團就去左另外間房開檯呢... hehehhe....


今晚我地全部人都stay左o係我屋企食飯, 而我大佬就同女友出左去....今晚又好凍啦... 所以d暖爐都出動啦..... 我地今晚仲睇左套28週後 (哈哈... 新年睇d咁野....)驚驚.... 之後都係打下機, 食下野... 吹下水咁... 再睇下america idol咁又一晚lu.... 年初一就咁過左lu... 希望聽日子返黎會好玩d啦...!!!

中


左起姨媽, 中間阿媽, 右邊係老豆


希望佢地個個都身體健康, 開開心心!!!

沒有留言:

張貼留言